JW subtitle extractor

Omuaraa parau o te Korinetia 1.
Ua papai te aposetolo Paulo i te mau
Kerisetiano i Korinetia, te hoê oire ua rau te nunaa.
I te piti o to ’na tere mitionare, tei Korinetia
o Paulo a haamau ai oia i te hoê amuiraa.
I te toruraa o to ’na tere mitionare i Ephesia,
ua taio Paulo i te tahi parau peapea mau
no nia i te amuiraa no Korinetia.
I 55 o to tatou tau, ua papai Paulo
i to Korinetia no nia i tei tupu.
E 16 pene i roto i te Korinetia 1.
I te pene 1 tae atu i te 4, ua faaitoito Paulo
i to Korinetia ia vai hoê, eiaha râ ia amahamaha.
Ua faataa oia e ere te feia e tanu
e e pîpî i te pape te mea faufaa.
Na te Atua râ e faatupu.
I te pene 5 e 6, ua a‘o Paulo i to
Korinetia, no to ratou haerea tia ore.
Ia ore te hoê taata rave hara e tatarahapa
e tiavaruhia oia no te paruru i te amuiraa.
Ua faaitoito ïa Paulo i te amuiraa
ia horo ê i te peu taotoraa tia ore.
I te pene 7, te vai ra te a‘oraa no nia
i te oraraa taa noa e te faaipoiporaa.
I te pene 8 tae atu te 10,
no to tatou here ia vetahi ê,
e titauhia ia tatou
ia haapao i to ratou mana‘o.
Ia ore ratou ia turori, e ia farii
atoa vetahi i te parau mau.
Ua ite anei oe? E faatupuhia na
te Heiva tuaro i pihai iho noa ia Korinetia.
Ua matau maitai ïa ratou i te reira.
Ua rave Paulo i te hi‘oraa
o te hoê hororaa
no te tauturu i te amuiraa ia taa
e titauhia ia ratou ia faaoromai tamau.
I te pene 11, ua horoa o Paulo i te aratairaa
no nia i te Amuraa maa a te Fatu.
I te pene 12, ua faaau Paulo
i te amuiraa i te tino taata
no te faaite i te faufaaraa o te mero tataitahi.
E mauruuru Iehova ia haa amui tatou.
I te pene 13, te itehia ra nafea
ia haa ma te here e ia ore.
I te pene 14, te titauhia ra te amuiraa
ia putuputu ma te naho e te hau.
I te pene 15, ma te faahiti i te tia-faahou-raa o Iesu
e te taime a ite mata ai e rave rahi
taata ia ’na, ua haapapu Paulo
e tupu iho â te tia-faahou-raa,
e maoti te tusia taraehara o Iesu Mesia
e upootia ’i tatou i te hara e te pohe.
I te pene 16, ua faaue o Paulo ia haaputu i te moni
no te tauturu i te mau Kerisetiano veve i Ierusalema.
A taio ai i te Korinetia 1, a tapao mea nafea
te mau Kerisetiano mau i vai hoê noa ’i,
i paturu ai ta Iehova mau ture aveia, e no te aha
mea faufaa ia tiaturi i te tia-faahou-raa o Iesu
no te fana‘o i te mau haamaitairaa a te Faatereraa arii.