JW subtitle extractor

Yi nãã bed’eabʉchuta 2 Corintios ʉ̃rʉ.
Pablobara bʉsi karta yi ũmeta korintiodebemaraita
jedeko bio nããrabema bʉda tẽã.
Titora zok’asida Korintio eda
plata jurepeita mebẽrã Judeadebema k’arebaita
akʉza k’awuaita sãwũã panasita
Pabloba karta diabʉeda k’area.
Tito Korintodeba wãside yi ũdusi Pabloʉ̃me,
maʉ̃ne bed’ea biata jarasi ãyi ʉ̃rʉ.
Maʉ̃ba Pablora mejãcha sobiabasi
akʉza karta bʉsi Korintioraita.
2 Korintiobara 13 kapitulo erbʉ.
Kapitulo 1ne, Pablobara jarabʉ Jeowara
«Zeze dayirã kãga akʉbʉa
akʉza Daizeze dayirã so zarea diabaria.»
Kapitulo 2de, Pabloba jarabʉ Korintiodebema kristianorarã
iya kãgabʉta nããrabema kartade kẽãkʉasimina.
Mebẽã aĩbuedapeadabara idubusi iya obadara
maʉ̃ k’area kĩrãduaibara akʉza bia akʉibara jẽda zebʉrʉde
Kapitulo 3de, Pabloba jarabʉ dayirãbara
bi’ia jaradiaseabʉta Daizeze k’arebaba.
Kapitulo 4de, jaradiabʉ Daizeze ʉ̃rʉ jaradiaira
orota kugurude eda bʉ kĩrãk’a bʉ.
Dayirãra kuguru zeri ẽ kĩrãk’a bʉmina,
Daizeze ʉ̃rʉ jaradiabʉde dayirãra ewari jõmaʉ̃nẽ panañi
akʉza yi ũrĩbʉrasi.
Kapitulo 5de Pabloba jarasi
Kristo kãgaba obibʉta dayirã.
Kristo kãgata ĩjãbʉbʉrʉ iya jarabʉta oyi
akʉza iyide kĩrãk’a oyi.
Kapitulo 6de jarabʉ neũduk’awua baita Jeowa odebʉme
akʉza Jeowa ode bʉ ẽ ʉ̃mera abarika daʉchapanʉ ẽãta.
Mawũã bʉbʉrʉ bia wã ẽ bayi.
Kapitulo 7ba jarabʉ wãrĩnu soiduba jẽda krĩchabʉ ʉ̃rʉ
akʉza soiduba jẽda krĩcha ẽ ʉ̃rʉ.
Ẽbẽra soiduba jẽda krĩchabʉra
akʉbʉ Jeowa nãã nekayirua odata.
Mawũã iya jʉrʉbʉ kĩrãduamarẽã maʉ̃ nemitiara
akʉza idubʉbʉ mawũã obadara.
Yi soiduba jẽda krĩcha ẽãra awuarabʉ.
Yi ẽbẽra krĩcha zroma obʉmina
iyita k’awuasida baera iyita nemitia obʉta,
jʉrʉkĩrã ẽ Daizezeba kĩrãduamarẽã maʉ̃ nekayiruara.
Kapitulo 8de akʉza 9de,
Pablobara jarabʉ korintiora
k’arebaibarata mebẽrã Judeadebemarata.
¿K’awua basika?
Pabloba griego bed’eade «ministerio»
jaradabara jarakĩrãbasi nejaradiaita
akʉza k’arebaita mebẽrãta.
Adewara dayirã kristianorabara mebẽrãsida k’arebaibara.
Apostolera zeri ẽ k’area, kapitulo 10 deba 13 bayeda,
Pabloba bi’ia jara ũrĩbisi
ãya jaradiabʉ k’area yi edebi ẽ baita.
Pablobara kĩrãbebibʉ kongregasionebema
Daizeze Bed’eabara awuara oseabʉ ẽbẽrarãba ĩjãbʉra,
ãya obʉta akʉza dayi krĩchade
jipa edabʉba maʉ̃rara naʉ̃ drʉadebema krĩcha.
2 Corintios akʉbʉrʉde
bi’ia k’awuara Jeowabara, dayirãra so zarea diabʉta
akʉza k’arebabʉta iyi odepanʉrarã,
adewara daya wãrĩnu soiduba jẽda krĩchabʉbʉrʉ
Daizeze neũduk’awuara baseabʉ
akʉza bari ẽbẽraba jaradiaseabʉta Daizeze Nok’o ʉ̃rʉ.

Yi naa bed'eabʉchuta 2 Corintios ʉ̃rʉ