JW subtitle extractor

Nduru tënë ti Use mbeti na aCorinthien.
Na gbe ti yingo, Paul asû use
lettre so na aita ti Corinthe
ambeni nze na peko ti so
ala wara kozo lettre ti lo.
A tokua lani Tite na Corinthe
ti aidé ti ro nginza ndali ti aita ti Judée,
nga peut-être ti bâ sarango ye ti aita ni
na peko ti kozo lettre so
yingo apusu Paul ti tokua ni na ala.
Na ngoi so Tite azia Corinthe,
lo gue lo wara Paul.
Terê ti Paul anzere nga lo kiri
lo sû mbeti na aita ti Corinthe
ndali ti so Tite aga na nzoni sango.
Use mbeti na aCorinthien
ayeke na achapitre 13.
Na chapitre 1, Paul atene
Jéhovah ayeke “Babâ so
ayeke sara nzoni bê mingi na zo
nga Nzapa ti dengo bê kue,
lo so adë bê ti e na yâ
ti atara kue so e wara.”
Na chapitre 2, Paul adë bê
ti aita ni so lo ndoye ala,
lo dabe ti ala na kpengba wango
so lo mû na ala
na yâ ti kozo lettre so yingo
apusu lo ti tokua ni.
Wasiokpari so a bi lo lani na gigi ti congrégation
so achangé fadeso lege ti lo awe,
ndani la a lingbi a pardonné lo nga a yamba lo.
Na chapitre 3, Paul atene so
Nzapa la asara si e lingbi biani ti duti awakua.
Na chapitre 4, a haka kua
ti fango tënë na ndö ti fini mbele
na ‘mosoro so ayeke na yâ ti ata ti sese.’
Atâa so e yeke tongana ata ti sese
so ayeke mbilimbili-kue ape,
tënë so e yeke fa alingbi ti gue na e
nga na azo so amä e
ti wara fini ti lakue lakue.
Na chapitre 5, Paul atene:
“Ndoye so Christ ayeke na ni
apusu e ti sara ye.”
Tongana e bâ tongana nyen la
Christ andoye e mingi,
na bê ti e wani e yeke duti na fini ndali ti lo.
Ndoye ti lo apusu e ti mû tapande ti lo.
Na chapitre 6, a fa so songo so
abungbi mbeni tâ Chrétien
na mbeni zo so ayeke tâ Chrétien ape
na gbe ti joug oko alingbi terê ape.
A lingbi gï ti buba mabe ti Chrétien ni.
Chapitre 7 afa kangbi so ayeke na popo
ti vundu so ague oko na ye so bê ti Nzapa aye
nga na vundu so ayeke ti dunia.
Vundu so ague oko na ye so
bê ti Nzapa aye ayeke gbu zo
tongana lo bâ so lo sara
siokpari na terê ti Nzapa.
Ye so apusu zo ni ti hunda pardon
nga ti zia lege ti sioni so lo sara.
Vundu so ayeke ti dunia so ayeke ti lo nde.
Atâa so vundu alingbi ti sara mbeni zo
ndali ti so a fa siokpari ti lo na gigi,
lo yeke na nzara oko pëpe
ti hunda pardon na Nzapa.
Na chapitre 8 na 9, Paul awa aita ti Corinthe
ti ngbâ ti sara kusala ti mungo maboko
na lege so ala aidé aita so ayeke
na yâ ti kpale na Judée.
Mo hinga?
Paul asara kua na tënë ti Grec so
a kiri pekoni na “kusala”
ti sara tënë ti kusala ti fango tënë na ti fango ye
nga na kusala ti mungo maboko na azo.
Tongaso, kusala ti mungo maboko na azo
ayeke mbeni mbage ti kusala so yeke
nzoni-kue so e yeke sara na Jéhovah.
Na chapitre 10 ti si 13,
Paul afa na aita ti Corinthe ndani so afango ye
ti abazengele ti wataka ayeke sioni.
Paul adabe ti aita ti congrégation ni
so atâ tënë ti Mbeti ti Nzapa
alingbi ti kinda afango ye,
asarango ye nga na abango ndo
so “gere ni aluti ngangu”
so alondo na ndara ti azo.
Na ngoi so mo yeke diko
Use mbeti na aCorinthien,
bâ tongana nyen la Jéhovah,
Nzapa ti dengo bê kue,
ayeke kpengba awakua ti lo
nga lo yeke aidé ala,
tongana nyen la tâ changengo bê
ague na zo ti ga kamarade ti Nzapa,
nga tongana nyen la même asenge zo
alingbi ti fa nzoni tënë ti Royaume ti Nzapa.