JW subtitle extractor

Yi naa bed’eabʉchuta karta Gálatas ʉ̃rʉ.
Pablobara bʉsi naʉ̃ kartara Corintiode
mawũã ẽ bʉrʉ Antiokia Siriade yi ũmebemata jaradia jʉ̃ẽside.
Pablobara karta k’areba bʉbarira erbasimina,
mamina iyi juwaba bʉsi Galatadebemararã.
Galata karta bʉsida poaga 50de akʉza 52 k’awa.
¿K’awuabasika? Galasiara Roma pʉwʉrʉdebemabasi,
idira maʉ̃ra Asia Menor maebʉ.
Pabloba karta kongregasion Galasia bʉdadera
maʉ̃ne eda basibaibara Antiokia Pisidiadebemata,
Ikoniota, Listrata akʉza Derbeta.
Pablobara bʉsi naʉ̃ kartara yi zewabi ẽ baita
yi nejaradiabari na zeri ẽãra,
ãya jarabasi baera kristiano wãrĩnuarabara
oibarabasita Moise leita.
Karta Galatabara 6 kapitulo erbʉ.
Kapitulo 1ne,
Pablobara nebʉrabʉ sãwũã jʉrʉsita awuru religion,
kristianoraneta.
Jarabu Galatadebemara
iya jaradiabʉra Jesukristoba ʉ̃dubisita,
maʉ̃ k’area ãĩ wãna ẽ marẽã.
Kapitulo 2de, 3 bayeda
Pablobara jara ũrĩbibʉ mia k’aita k’ẽrẽpabaseabʉ ẽãta
leiba jarabʉde obʉ baera.
Jarabʉ leira yi jaradiabarita akʉza Kristoma edebʉta.
Adewara k’ẽrẽpa bʉta ũdubira, ĩjãibara Jesuta.
Pablobara jarabʉ
Kristora akʉza yi k’aidubemara ʉ̃ta wãira
Abraaneba zesita.
Kapitulo 4, 6 bayeda, Pablobara jarasi Galatadebemara
jʉra k’awuabadamarẽã,
naʉ̃ drʉadebema krĩcha yi zok’abida ẽ marẽã.
Kapitulo 4de, Pablobara nebʉrasi yiza nebʉra ʉ̃rʉ,
naʉ̃ nebʉradera bed’easi Ismaelra
Agar wũãwũãta akʉza Isaac’ra Sara wũãwũãta.
Agarba akʉza Ismaelba jarakĩrãbʉ ẽbẽra Jerusalendebemata.
Saraba akʉza Isaac’ʉ̃mebara jarakĩrãbʉ
Jerusalen ʉ̃tʉbemata,
maʉ̃ba jarabʉ Jeowa organisasionta
akʉza yi ẽbẽra ʉ̃ta wãirata.
Adewara, Pablobara jarabʉ
daya kãgabʉta oseabʉmina
krĩña nemitia oẽ baibarata.
Adewara jarasi k’ãrẽne awuara bʉta
yaraba kãgabʉta akʉza Jeowa jaure zareaba erbʉta
akʉza jarabʉ daya ubʉra maʉ̃ta jurepebʉta.
Galata karta akʉbʉrʉde bi’ia akʉra kristianorã ãya ĩjãbʉde
k’ẽrẽpa baseabʉta, yi Jeowa jaure zareaba erbʉta obʉra,
nebiata ũduyi akʉza Abraaneba zebʉrʉ
Jesukristota akʉza yi k’aidubemara ʉ̃ta wãita.

Yi naa bed’eabʉchuta Gálatas ʉ̃rʉ