JW subtitle extractor

Nduru tënë ti mbeti na aGalate.
Bazengele Paul asû lettre so na Corinthe
wala na Antioche ti Syrie
na ngoi ti use voyage ti lo
ti missionnaire wala na peko ni.
Atâa so mingi ni Paul ayeke sara kua
na mbeni wakuasu ti sû alettre ti lo,
Paul lo wani la asû lettre so
na aita ti Galatie.
A sû mbeti na aGalate na ngu 50
ti si na ngu 52 tongaso.
Mo hinga?
Galatie ayeke lani mbeni kodro ti aRomain
so ayeke na mbage ti milieu
ti ndo so a iri ni laso Asie Mineur.
Na popo ti acongrégation ti Galatie
so Paul asû lettre na ala,
a yeke wara peut-être na yâ ni
congrégation ti Antioche ti Pisidie,
ti Iconium, ti Lystres nga na ti Derbé.
Paul asû lettre so ti fa so
lo ke afango ye ti wataka
so a tene a yeke kota ye mingi
ti tene aChrétien abata Ndia ti Moïse.
Mbeti na aGalate ayeke na achapitre omene.
Na chapitre 1,
Paul afa tongana nyen la lo zia lege
ti vorongo Nzapa ti aJuif lo ga Chrétien.
Lo dabe ti aita ti Galatie so ye so lo fa na ala
ayeke aye so Jésus Christ afa na lo
na yâ ti vision nga so ala doit
ti sara ye alingbi na ni.
Na chapitre 2 nga na 3,
Paul atene so “akusala ti ndia” alingbi pëpe
ti sara si zo aga mbilimbili.
Lo tene so Ndia ayeke “zo ti bango ndo”
na ndö ti azo ti gue na ala na Christ.
Ti mä na bê na Jésus la ayeke sara si
zo aga mbilimbili.
Paul afa so hale ti Abraham
so a mû zendo ti lo
ayeke Christ nga na azo so
ayeke ahéritier legeoko na Christ ni.
Ye oko, na chapitre 4 ti si na 6,
Paul agboto mê ti aita ti Galatie
ti sara hange si ala ga pëpe
ngbâa ti afango ye ti azo.
Na chapitre 4, Paul asara tënë ti mbeni toli,
lo mû tapande ti Agar na Sara
nga na amolenge ti ala,
Ismaël na Isaac.
Agar na Ismaël ayeke tongana
Jérusalem ti sese na amolenge ti lo,
wala azo ti gbata ni,
so a sara ala ngbâa.
Sara na Isaac ayeke tongana
“Jérusalem ti nduzu”,
mbage ti bungbi ti Jéhovah so ayeke na yayu,
nga na amolenge ti lo, aChrétien so
a soro ala na lege ti yingo
nga so ayeke amolenge ti Nzapa
so ayeke angbâa pëpe.
Ye oko, Paul agboto mê ti ala so
a lingbi ala mû pëpe liberté ti ala tongana
mbeni raison ti sara na aye ti sioni.
Lo fa kangbi so ayeke
na popo ti akusala ti mitele
na lengo ti yingo ti Nzapa,
nga lo fa so e yeke ko gï ye so e lu ni.
Na ngoi so mo yeke diko
mbeti na aGalate,
bâ tongana nyen la a lingbi ti tene so
aChrétien ayeke mbilimbili gï na lege ti mabe,
tongana nyen la azo so alë lengo ti yingo
ti Nzapa ayeke wara aye ti nzoni,
nga tongana nyen la a fa Jésus
nga na amba ti lo héritier
ti Royaume so ayeke ngbâ lakue lakue
tongana hale ti Abraham so a mû zendo ni.