JW subtitle extractor

Nduru tënë ti mbeti na aÉphésien
A yeke na ngoi ti use voyage
ti bazengele Paul
ti missionnaire la
lo si ti kozoni na port
ti gbata ti Éphèse,
peut-être na ngu 52,
lo na Aquila na Priscille.
Na peko ti nduru vizite ti Paul,
lo zia gbata ni lo hon,
na lo zia Aquila na
Priscille kâ
ti ngbâ
ti fa tënë nga ti fa ye.
Me a yeke na ngoi ti ota
voyage ti Paul
ti missionnaire la
lo ngbâ kâ ngu ota,
lo fa tënë nga lo fa ye
na yapungo terê,
nga lo lë kpengba songo
na aita ti Éphèse.
Na pekoni,
nduru na ngu 60 wala 61,
bazengele Paul asû lettre
na congrégation ti Éphèse.
Lo yeke lani na Rome,
na ngoi so a bata lo
ti ku na fango ngbanga
la lo sû lettre ni.
Mbeti na aÉphésien
ayeke na achapitre omene.
Na chapitre 1,
a fa so Jéhovah aye
ti bâ lege ti aye ti lo
(wala da ti lo)
si ye so lo leke ti sara
aga tâ tënë.
Na lege ti ye so lo leke so,
a yeke bungbi oko
aChrétien so
a soro
ala ti wara fini na yayu
nga na ala so ayeke
wara fini na sese.
Na chapitre 2,
bazengele Paul ahaka Ndia ti Moïse
na mbeni gbagba so dépuis akangbi
popo ti aJuif na azo ti amara.
Kuâ ti Jésus
akaï mbele ti Ndia nga
‘akungbi gbagba so aluti
ti kangbi popo’ ti agroupe use so.
Na chapitre 3,
Paul asara tënë ti tënë so
Nzapa ahonde ndani
na ndö ti Christ
nga lo fa so ye so Nzapa aye
ayeke ti yôro
azo so ayeke aJuif ape
na popo ti kete wungo ti
aChrétien so a iri ala ti komande
legeoko na Christ na yayu.
Mo hinga?
Azo ahinga gbata ti Éphèse mingi
ndali ti mbeni kota temple so
a sara ni na nzapa-wali Artémis.
Tongana ti so a fa na
Kusala chapitre 19,
azo ti lekengo aye na argent
na Éphèse
ayeke wara
nginza mingi na kango
“akete temple ti
Artémis na argent.”
Paul angbâ na Éphèse
nduru na ngu ota,
lo fa na azo ni so
a yeke na lege ni ape
ti voro ayanda.
Ye ti pekoni ayeke so,
gbâ ti azo azia lege
ti vorongo ayanda
nga ala ga aChrétien.
Ndani la,
azo ti lekengo ayanda
na ti kango ni
asara ngonzo ngangu
nga ala ga na wusuwusu.
Na chapitre 4,
a wa aita ti Éphèse ti
“zi ngbene zo”
so alingbi na angbene
sarango ye ti ala,
na ti
“yü fini zo”
so alingbi na ye
so bê ti Jéhovah aye.
Na chapitre 5,
Paul awa aita ti Éphèse ti
“ngbâ ti tambela na yâ ti ndoye.”
Lo tene
a lingbi azo ti sewa
afa ndoye na mba.
A wa awali ti
“woko terê na gbe ti akoli ti ala”.
A wa akoli ti “ngbâ lakue ti ndoye”
awali ti ala,
“gï tongana ti so Christ nga
andoye congrégation.”
Na chapitre 6,
Paul amû tapande
na ndö ti aye ti bira
nga lo wa aita ti Éphèse
ti “yü aye ti bira kue
so alondo na Nzapa”.
Ti sara tongaso ayeke aidé
ala ti ngbâ be-ta-zo
atâa akpale so ala wara.
Na ngoi so mo yeke diko
mbeti na aÉphésien,
bâ tongana nyen la a lingbi
e yü fini zo
alingbi na
ye so bê ti Jéhovah aye,
tongana nyen la a lingbi
e yü aye ti bira kue
so alondo na Nzapa
nga tongana nyen la
Jéhovah aleke ti tene aJuif
na azo so ayeke aJuif ape
abungbi oko na Jésus ti komande
na yâ ti Royaume ti Nzapa.