JW subtitle extractor

Omuaraa parau o te buka Ephesia.
Ua haere mai na mua roa Paulo i Ephesia, i te piti o to ’na tere mitionare,
i te area tau 52, e o Akuila raua Perisila.
Ua faaea oia no te hoê taime poto
e ua vaiiho ia Akuila raua Perisila i ǒ ia faahaere raua i te ohipa i mua.
Ua ho‘i faahou oia i te toruraa o to ’na tere mitionare e ua faaea i ǒ fatata e toru matahiti
a poro ai e a haapii ai i te mau taeae no Ephesia.
I te area tau 60 e 61, ua papai Paulo i ta ’na rata i te amuiraa no Ephesia.
Tei Roma oia i tera taime a tiai noa ai.
E ono pene to te buka Ephesia.
I te pene 1, te haafaufaahia ra to te Atua horoaraa i te hoê faanahoraa
(aore ra te tahi ravea no te faatere i ta ’na fare).
Na reira, e putuputu mai tei maitihia i te ora i nia i te ra‘i e i te fenua nei e o Iehova ma te Mesia.
I te pene 2, ua faaau te aposetolo i te ture a Mose i te hoê patu
e faataa ê ra i te mau ati Iuda e te mau taata o te mau nunaa atoa.
Ua faahope ra te tusia a Iesu i te ture a Mose e ua “vavahi i te patu i faataa ê i teie na pǔpǔ.”
I te pene 3, ua faahiti Paulo “i te parau huna mo‘a o te Mesia,”
e ua faataa, o te hinaaro o te Atua ia tahoê mai te mau taata e ere i te ati Iuda
i te feia maitihia no te faatere e o Iesu Mesia i te ra‘i.
Ua ite anei oe?
E oire tuiroo o Ephesia no ta ’na hiero rahi pûpûhia no te atua Aretemisa.
I faahitihia na i te Ohipa 19,
ua onahia te mau taata hamani ario nainai to Ephesia
ma te hoo-noa-raa i teie mau “ario nainai o Aretemisa.”
Ua faaea o Paulo e 3 matahiti i ǒ nei, ua faaite oia i te nunaa
e mea hape ia faaohipa i te hoho‘a no te arue i te Atua.
Rave rahi taata no Ephesia tei faaore i te mau hoho‘a e ua riro mai ei tavini na Iehova.
Ua riri a‘e râ te mau taata hamani ario nainai e ua orure-hau mai.
I te pene 4, ua a‘ohia to Ephesia ma i te “haapae i te huru taata tahito,”
ia au i to ratou huru tahito ra, e “ia ahu mai i te huru taata apî” ia au i te hinaaro o Iehova.
I te pene 5, ua faaitoito Paulo “ei haerea here noa to” ratou.
E itehia teie here i roto i te utuafare atoa.
Ua faaitoito i te mau vahine faaipoipo “ia auraro i ta ratou iho tane.”
E te mau tane “e here noa i ta” ratou “iho vahine, mai te Mesia atoa i here i te amuiraa.”
I te pene 6, ua faaohipa Paulo i te hoê hi‘oraa o te tahi haana tama‘i
e te faaitoito ra i to Ephesia ia ahu i te haana tama‘i taatoa no ǒ mai i te Atua.
E tauturu mai ïa ia ratou ia vai taiva ore noa ’tu te mau fifi.
A taio ai i te rata no Ephesia,
a tapao na mea nafea tatou e faaahu i te huru taata apî ia au i te hinaaro o Iehova,
nafea e faaahu i te haana tama‘i taatoa no ô mai i te Atua,
e nafea Iehova i tahoê ai te mau ati Iuda e tei ore, ei faatere e o Iesu Mesia.