JW subtitle extractor

Yi naa bed’eabʉchuta Filipense ʉ̃rʉ.
Apostol Pablobara bʉsi naʉ̃ kartara iyi Romane bʉeda,
iyi karselde baside.
Bʉsi poaga 60 k’aita o 61ne.
Maʉ̃ poaga nãã iya yi ũmeta akʉ jʉ̃ẽside,
Pabloba k’ãĩmo karasi iyi Troadebʉde.
Yumakẽrã Masedonianebemaba jarasi,
akʉ jʉ̃ẽmarẽã akʉza k’arebamarẽã.
Poaga 50de, Pablota akʉza iyi k’aidubemarata,
wãkata wãsida bed’ea bia jaradiade pʉwʉrʉ Filipo eda.
Pabloba mama kongregasion babisida iyi pewapanʉinʉ.
Pablo Silaʉ̃mera posida bakuruba
akʉza karselde bʉesida akʉza sepode bʉesida.
Iya yi ũbea akʉ jʉ̃ẽside Pablora wãsi Filipo eda.
Iya mama karta kongregasionra bʉdara
kãgata ũdubisi kristianora Filipodebemara.
Filipense kartabara 4 kapitulo erbʉ.
Kapitulo 1ne, Pabloba jarabʉ iyi karselde baside,
bed’ea bia jaradiabada pera ẽ jaradiabasi.
Maʉ̃ba zarea diabʉ,
mebẽrãbida Daizeze Bed’eara pera ẽã jaradiadamarẽã.
Wuaya yi kapitulo 2de,
Pabloba jarasi Filipensedebemara
abarika krĩchadamarẽã Kristode kĩrãk’a.
Akʉza biga diasi
naʉ̃ drʉade ũnanʉmʉ kĩrãk’abʉ baera.
¿K’awuabasika? Maʉ̃ nãã Filipenseraba zok’abʉesida
Epafroditota Romaena, Pablo k’arebaita
maʉ̃ tẽã Pablobara kartata bʉ diabʉesi Epafrodito k’aidu,
kongregasion Filiporaita.
Kapitulo 3de,
Pabloba ũrãg’asi yi ẽbẽra ʉ̃ta krĩchabʉta,
iyita judio k’area.
Pablo iyi fariseo baside,
iya nebia erbʉ k’area sobiabasi.
Mamina iya tẽã ũdusi naʉ̃ra biga ẽãta.
Iya ũduk’awuasi baera Jesukristota
akʉza iyiʉ̃me ãbabʉ baera.
Kapitulo 4de, ũrãg’abʉ filipensera’a
maʉ̃kara krĩchada ẽ bamarẽã
ãyi bed’ea zroma k’area.
Awuarabʉrʉ jʉrʉdamarẽã
Daizeze neneẽãbʉa yiwid’i ẽ marẽã
akʉza biga diaita.
Pablobida biga diasi kongregasionra
iya nesidabʉta diasida baera.
Filipense karta akʉbʉrʉde,
krĩchara bed’ea zroma erbʉmina k’ẽrẽpabʉbʉrʉ,
k’arebaseabʉ wuabemarata abarika omarẽã.
Daizeze Bed’eaba akʉza iyi jaure zareaba,
k’arebaseabʉ Jesu kĩrãk’a krĩchaita.
Daizeze’a yiwid’ibʉbʉrʉ,
iya diayi dayi neneẽã b’aita iyi Nok’o zeyi eda.

Yi naa bed’eabʉchuta Filipenses ʉ̃rʉ