JW subtitle extractor

Nduru tënë ti mbeti na aPhilippien
Na Rome,
yingo apusu bazengele
Paul ti sû lettre ti lo,
na ngoi so lo yeke
na kanga na da ti lo.
Lo sû lettre ni nduru na
ngu 60 wala 61 tongaso.
Ambeni ngu ahon kozo awe,
na ngoi ti use voyage
ti Paul ti missionnaire,
lo wara mbeni vision na
ngoi so lo yeke na Troas.
Mbeni koli ti Macédoine
avoro yanga na lo atene:
“Ga na Macédoine
mo mû maboko na e.”
Tongaso, nduru na ngu 50,
Paul na amba ti lo akomanse
ti fa nzoni tënë na Philippes
mbeni gbata ti Macédoine.
Paul asigi na mbeni congrégation kâ,
me kangango lege amanke ape.
A pika lo na Silas na akamba
nga a bi ala na da ti kanga,
a kanga gere ti ala
na yâ ti olombo.
Paul akiri ague na Philippes na ngoi
ti ota voyage ti lo ti missionnaire.
Lettre so lo tokua na
congrégation ni afa
kpengba ndoye so ayeke na popo
ti lo na aita ti Philippes oko oko.
Mbeti na aPhilippien
ayeke na achapitre osio.
Na chapitre 1,
Paul atene so kanga so lo sara na
Rome asara si “nzoni tënë akiri amaï.”
So na gbele kangango lege
Paul asara ye na mbeto ape,
akpengba aita ni ti ngbâ ti sara
tënë ti Nzapa na mbeto pëpe.
Na chapitre 2,
Paul awa aita ti Philippes
ti ngbâ ti mû tapande ti bango
ndo so Christ ayeke na ni.
Na pekoni,
lo gonda aita ni ndali ti so
“ala yeke su tongana aye ti
zango lumière na yâ ti dunia.”
Mo hinga?
Na ambeni ngoi kozo,
aita ti Philippes
atokua Épaphrodite
na acadeau na Paul na Rome.
Na pekoni Paul akiri atokua
Épaphrodite na Philippes,
Paul amû na lo lettre so
yingo apusu lo ti sû ni
na congrégation ni.
Na chapitre 3,
Paul agboto mê ti aita ni na ndö
ti azo so ‘a zia bê ti ala kue
na ndö ti aye ti mitele’
ndali ti so ala yeke aJuif.
Paul abâ aye kue so lo wara
ândö na ngoi so lo yeke Farizien
tongana zende tongana a haka ni na
pasa lo yeke na ni ti hinga Christ
nga ti duti beoko na lo.
Na chapitre 4,
lo dabe ti aita ti Philippes
ti “gi bê ti ala na ndö
ti mbeni ye pëpe”
me ti wara “siriri ti Nzapa”
na lege ti sambela,
vorongo terê nga na kiringo singila.
Paul akiri nga singila na
aita ti congrégation ni
ndali ti so ala mû na lo
aye so lo yeke na bezoin
ni na lege ti mitele.
Na ngoi so mo yeke diko
mbeti na aPhilippien,
bâ tongana nyen la gbungo
ngangu ti e na yâ ti tara
alingbi ti kpengba amba
ti e ti luti ngangu,
tongana nyen la Mbeti ti Nzapa
nga na yingo-vulu alingbi
ti aidé e ti ngbâ ti mû
tapande ti bango ndo
so Christ ayeke na ni,
nga tongana nyen la azo so
asambela Nzapa na bê ti ala kue
ayeke wara tâ siriri na ngoi so ala
yeke ku komandema ti Royaume.