JW subtitle extractor

Cyflwyniad i Philipiaid.
Ysgrifennodd yr apostol Paul y llythyr ysbrydoledig hwn o Rufain,
lle roedd o dan arestiad tŷ.
Ysgrifennodd y llythyr, tua 60 neu 61 OG.
Rai blynyddoedd yn gynharach yn ystod ei ail daith genhadol,
cafodd Paul weledigaeth tra oedd yn Troas.
Dyma ddyn o Macedonia yn ymbil arno:
“Tyrd draw i Macedonia i’n helpu ni!”
Felly o gwmpas 50 OG,
dechreuodd Paul a’i gyfeillion bregethu yn Ninas Philipi.
Sefydlodd Paul gynulleidfa yno,
ond roedd rhai yn gwrthwynebu.
Cafodd o a Silas eu curo gyda ffyn a’u taflu i’r carchar,
lle cafodd eu traed eu rhwymo mewn cyffion.
Dychwelodd Paul i Philipi yn ystod ei drydedd daith genhadol.
Mae ei lythyr at y gynulleidfa yn dangos y cariad arbennig
rhyngddo ef a’r brodyr yn Philipi.
Mae gan y llythyr at y Philipiaid bedair pennod.
Ym mhennod un,
mae Paul yn dweud bod cael ei garcharu yn Rhufain
“wedi troi’n gyfle newydd i rannu’r newyddion da.”
Mae dewrder yr apostol er gwaethaf gwrthwynebiad
wedi atgyfnerthu’r brodyr i ddal ati i rannu neges Duw yn ddi-ofn.
Ym mhennod 2,
mae Paul yn annog y Philipiaid i barhau i efelychu agwedd Crist.
Wedyn mae’n canmol y Philipiaid,
oherwydd eu bod nhw yn “disgleirio ... fel goleuadau yn y byd.”
Oeddet ti’n gwybod?
Ryw dro yn gynharach,
roedd y Philipiaid wedi anfon Epaffroditus i Rufain gydag anrheg i Paul.
Yn nes ymlaen, anfonodd Paul Epaffroditus yn ôl i Philipi
gyda’i lythyr ysbrydoledig at y gynulleidfa.
Ym mhennod 3,
mae Paul yn rhybuddio am y rhai sydd yn “ymddiried yn y cnawd,”
oherwydd eu cefndir Iddewig mae’n debyg.
Mae Paul yn ystyried unrhyw fanteision a oedd ganddo fel Pharisead,
yn sbwriel o’u cymharu â’r fraint o ddod i adnabod Crist a bod yn unol ag ef.
Ym mhennod pedwar,
mae’r Philipiaid yn cael eu hatgoffa i beidio â ‘gadael i ddim byd eu poeni nhw,’
ac i geisio’r “heddwch perffaith mae Duw’n ei roi”
drwy weddi, ymbil, a diolchgarwch.
Mae Paul hefyd yn diolch i’r gynulleidfa
am fod mor hael wrth ofalu am ei anghenion materol.
Wrth iti ddarllen y llythyr at y Philipiaid,
sylwa ar sut mae aros yn gadarn yn wyneb treialon
yn gallu annog eraill i sefyll yn gadarn,
ar sut mae gair ac ysbryd Duw yn gallu ein helpu
i ddal ati i efelychu agwedd Crist,
ac ar sut mae gwir heddwch
yn dod i’r rhai sy’n troi at Dduw mewn gweddi daer
wrth iddyn nhw aros i’w Deyrnas ddechrau rheoli.