JW subtitle extractor

Yi naa bedeabʉchuta Colosenses ʉ̃rʉ.
Apostol Pablobara bʉsi naʉ̃ kartara Romane
poaga 60 k’awa o 61ne.
Maʉ̃ra berabarisi iyi jidasidade maʉ̃ puwurude,
iyi deda jida erpanasi.
Karta Colosensedera Pablobara jarabʉ
iyira jʉ̃ẽkata Colosa edara.
Maʉ̃ kongregasionra baribʉrʉ Epafrasba onʉmʉsi.
Pablobara bio ũduk’awuabasi
mebẽrã maʉ̃ kongregasion nebemarata
Apiata, Arkipota akʉza Pilemonta,
iya naʉ̃ra bʉsi naʉ̃ kartara.
Maʉ̃ kongregasion’nʉmʉna tẽã
ne jaradiabarirabara sewa kĩrãpanasi
kristianora Colosensedebemara
naʉ̃ drʉadebema krĩchaba.
Epafras’ra mejãcha wãibarabasi
Colosadeba Romainu jʉ̃ẽita,
Pablo jaraita sãwũã nʉmʉta kongregasion’ra.
Colosense kartabara erbʉ 4 kapitulo.
Kapitulo 1ne.
Pablobara widibʉ colosensera
Daizezeta audre ũduk’awua wãnamarẽã,
iya tẽã jarabʉ
Jesukristora Daizeze kĩrãk’a bʉta,
jõmaʉ̃ra nãã parãsita,
mawũẽra naʉ̃ drʉade bʉra,
jõma parãsi iyideba
akʉza Kristora kongregasion buru.
Kapitulo 2de.
Pabloba jarabʉ jura k’awuapanamarẽã
yi naʉ̃ drʉadebema krĩcha jaradiabʉdeba
akʉza Moise lei oibarata.
Pabloba jarabʉ leira jõsita
Jesu beidadeba ʉ̃ta,
Jesuta bakʉrʉde beisi baera.
¿K’awuabasika?
Colosenses 4:10dera Pabloba jarabʉ Markos ʉ̃rʉ,
Bernabe primota, Markos trʉ̃ra iyabaʉta Juan.
Iyira Pabloʉ̃me akʉza Bernabeʉ̃me
wãsida yi nããra jaradia wãita,
mamina iyara amaekʉa k’ãrãpe
akʉza wãsi Jerusalenma,
Pablobara maʉ̃ra kãga ẽ basi.
12 poaga berabarida tẽã,
Markora Ramanebasi Pabloʉ̃me ãba
naʉ̃ba ũdubibʉ ãyira jẽda yi neũduk’awuabasita.
Kapitulo 3de.
Pabloba urãg’abʉ colosensera
jʉrʉdamarẽã Daizeze Nok’ota,
Kristora Daizeze juwa arare bʉta
akʉza widibʉ
idubʉidua nãã kayirua jʉ̃badara,
jʉ̃idua yiwidita
akʉza wuabemara nemitiasida kĩrãduamarẽã.
Kapitulo 4dera.
Pablobara widibʉ badua yiwid’idamarẽã
akʉza biga diadamarẽã Daizeze’a
adewara jarabʉ:
dayirã ibiade bede’a baibarata
tã eda bʉebʉ kĩrãk’a,
k’awuadamarẽã sãwũã panʉita aba abakaʉ’a.
Colosenses karta akʉbʉrʉde,
akʉra sãwũã zarea oibarata
Daizeze kĩrãkita ũduk’awuaita,
Jesukristo kĩrãk’a b’aibarata
akʉza ibiade bed’ea baibarata
mamina audre dayi bed’eabʉrʉde Daizeze Nok’o ʉ̃rʉ.

Yi naa bed'eabʉchuta Colosenses ʉ̃rʉ