JW subtitle extractor

Le faatomuaga o le tusi o Kolose.
Na tusia e le aposetolo o Paulo lenei tusi faagaeeina i Roma
i le pe tusa o le 60 po o le 61 T.A.
O le taimi lea o loo faafalepuipui o ia i ina,
ma saisaitia i se fale.
O le tusi a Paulo i Kerisiano i Kolose
ua faailoa mai ai e le‘i asiasi atu lava o ia i Kolose.
E foliga mai o le faapotopotoga i ina o fua o galuega mamafa a Epafara.
Ae na iloa e Paulo nisi o sui o le faapotopotoga e aofia ai Afia,
Akeripa ma Filemoni, o ē na ia tusi atu ai fo‘i se tusi faagaeeina.
E le‘i umi talu ona faavaeina le faapotopotoga,
ae taumafai a‘oa‘o pepelo e faasesēina Kerisiano i filosofia taufaasesē.
Na malaga Epafara mo le faitau selau o maila mai i Kolose e aga‘i atu i Roma,
e avatu se lipoti o le faapotopotoga iā Paulo.
E fa mataupu o le tusi o Kolose.
I le mataupu 1
na faailoa mai ai e Paulo lona faanaunauga ina ia faaauau ona tuputupu a‘e i le poto i le Atua.
Ona faamatala atu lea e Paulo le Alo o le Atua o lē “ua foliga i le Atua e lē vaaia,
o le ulumatua o foafoaga uma,”
ma “na foafoaina isi mea uma” e ala iā te ia.
O ia fo‘i o le ulu o le faapotopotoga.
I le mataupu e 2 na ia lapata‘ia ai le faapotopotoga
e uiga iā i latou o loo faaauiluma filosofia ma tausia pea Tulafono faa-Mose.
Na ia faamatala atu ua soloia le Tulafono faa-Mose ma ua lē toe iai.
Na tutu‘i faafaatusa e le Atua i le laau na faapuapuagatia ai Keriso.
E te silafia?
I le Kolose 4:10,
na ta‘ua ai e Paulo “Mareko le tauusoga o Panapa.”
Na faatasi atu Mareko o lē na igoa fo‘i o Ioane iā Paulo ma Panapa i se taimi puupuu,
i le la malaga faamisionare muamua.
Ae na tuua e Mareko i la‘ua ma toe fo‘i i lona aiga i Ierusalema,
lea na lē fiafia ai Paulo.
Ae i le pe ā ma le 12 tausaga,
na toe faatasi Mareko ma Paulo i Roma.
E manino mai, na toe faaleleia so o se faalētonu i le la va.
I le mataupu e 3 na faalaeiau ai e Paulo le faapotopotoga
‘ia sa‘ili pea i mea faalelagi, o i inā o loo nofo ai Keriso i le itu taumatau o le Atua.’
Na fautua atu fo‘i le aposetolo i le faapotopotoga ia “toese le tagata tuai,”
ae oofu “i le tagata fou,”
ma faaauau ona “fefaamagaloa‘i ma le lotoatoa.”
I le mataupu e 4 na ta‘u atu ai e Paulo i le faapotopotoga ia “finafinau i le tatalo”
faatasi ma le faafetai.
Na ia tusi fo‘i:
“Ia lē aunoa ona outou tautatala atu i upu e logolelei, ia faamāi i le masima,
ina ia outou iloa le auala e tali atu ai i tagata ta‘ito‘atasi.”
A o e faitau i le tusi faagaeeina i Kolose,
mātau pe faapefea ona faaauau ona tatou tuputupu a‘e i le poto sa‘o i le Atua,
le auala e atia‘e ai uiga e pei o uiga o Keriso,
ma pe faapefea ona logolelei a tatou faamatalaga
aemaise pe a folafola atu le tala lelei o le Malo o le Atua.

Faatomuaga o le Tusi o Kolose