JW subtitle extractor

Yi naa bed’eabʉchuta 2 Tesalonicenses ʉ̃rʉ.
Apostol Pablobara bʉsi naʉ̃ kartara Corintode,
poaga 51 kawa,
1 Tesalonicense bʉda tẽã.
Nããrabema kartadera jarasi pikiapanamarẽã.
Awuarabʉrʉ krĩchamarẽã ãyi sãwũã wãta
akʉza trajadamarẽã.
Maʉ̃ra ũrãg’ara bigabasi.
Ʉ̃kʉrʉta wuabemara neida bed’eapanasi,
akʉza trajakĩrãde ẽ basi ãyi yiko k’area.
Adewara baribʉrʉ kongregasioita zesi kartata
akʉza bed’eata,
Pabloba akʉza wuabemara mebẽrãba
bʉda kĩrãk’a chubeta.
Mama jarabasi Jeowa ewarira zesita.
2 Tesalonicensebara erbʉ 3 kapitulo.
Kapitulo 1ne,
Pabloba biga diabʉ zarea ĩjãpanʉ baera.
Jarabʉ yi zubʉria berabarinʉmʉra
wua mawũã pana ẽ baita
Daizeze Nok’oba makenabʉrʉde
Daizeze nejʉrarãra.
Kapitulo 2dera,
jarabʉ Jeowa ewari zei nããra
neida berabarinʉmaibasita.
Mebẽrãnebemata ʉ̃tʉzeibasita
Daizeze ʉ̃rʉ ĩjã k’ãrãpe i kayirua bed’eabʉta,
Daizeze ĩjãbʉa apanʉrata.
Maʉ̃rara Daizeze Bed’eaba jarabʉ ẽbẽra kayiruadebemarata.
¿K’awuabasika?
Kartata ʉ̃tʉ zesi Pabloba bʉda kĩrãk’achuta,
mawũẽra Pabloba bʉsi:
Mʉ̃ra Pabloa.
Naʉ̃ bed’eara mʉ̃ juwaba bʉbʉrʉa,
jõma naʉ̃ kartade bʉbʉra
mʉ̃a bʉbʉrʉa k’awuadamarẽã mʉ̃a
k’ãwũã bʉchuta.
Kapitulo 3de,
Pabloba ũrãg’abʉ jʉrʉda ẽ bamarẽã neũduk’awua
k’ẽrẽpa panʉra ẽãta.
Ãyira trajakĩrãde ẽ baera.
Mawũãmina kongregasionbara nejʉra
kĩrãk’a akʉ ẽ baibara,
awuarabʉrʉ ũrãg’ata diadaibara.
Awuarabʉrʉ ãyira k’ẽrẽpa panaibara
2 Tesalonicense akʉbʉrʉde
akʉra Diarubara zok’abʉta ẽbẽrarã kayiruarata
Kristoba jarabʉta aña odamarẽã.
Dayirãba neũduk’awuara k’ẽrẽpa panʉra jʉrʉ ẽ mina.
Ũrãg’a diadaibarata mebẽrã kĩrãk’a.
Zareapanaibarata bed’ea zromane berabarinʉmʉmina
Daizeze Nok’o zei eda