JW subtitle extractor

Nduru tënë ti Use mbeti
na aThessalonicien.
Bazengele Paul asû lani
kpengba lettre so na
Corinthe na ngu 51 tongaso,
kete na peko ti so lo sû
kozo lettre ti lo na aita
ti Thessalonique.
Na yâ ti kozo lettre ti Paul,
lo wa aita ti duti gï na siriri,
ti sara ye so abâ gï ala wani
nga ti sara kua ngangu ti
bâ lege ti abezoin ti ala.
Wango so alingbi lani na
aita ti Thessalonique.
Biani,
ambeni angbâ lani ti yôro terê ti ala
na yâ ti aye so abâ ala ape
nga ambeni ane nengo ti sara kua
ti wara aye so ala bezoin ni.
Nga,
âmanke congrégation
ni awara alettre
wala atokua so mo bâ mo tene
alondo na bazengele Paul
wala na ambeni ita-koli
so amû li so atene
“lâ ti Jéhovah asi awe.”
Use mbeti na aThessalonicien
ayeke na achapitre ota.
Na chapitre 1,
Paul agonda aita ni
ndali ti mabe ti ala
nga na gbungo ngangu ti ala,
nga lo fa so ala so abâ
pasi na ye ti vundu
ayeke wu ande pupu
na ngoi so Christ aga
na yâ ti Royaume ti lo
na gloire nga na ngangu
ti futi awato ti Nzapa.
Na chapitre 2,
Paul afa na yâ ti lettre ni
ambeni ye so adoit ti si
kozo si lâ ti Jéhovah aga.
Aye ni so
andu a-apostat so ayeke mû ndo
nga “zo-ti-kpengo-ndia-pepe”
so ayeke fa terê ti lo na gigi:
so a yeke groupe ti akota zo
ti nzapa so ayeke a-apostat.
Koli so na lege ti fä
ayeke bâ terê ti lo so
lo yeke na ndö ti
acongrégation kue.
Mo hinga?
A yeke ndali ti mbeni lettre
ti mvene so amû ndo
so a tene Paul la atokua ni,
si lo tene:
“So bara ti mbi Paul la,
so mbi wani mbi sû
na maboko ti mbi,
so ayeke fä so ayeke na yâ
ti ambeti ti mbi oko oko kue.
So lege ti sungo
mbeti ti mbi la.”
Na chapitre 3,
Paul amû wango na
aita ti congrégation ni
ti ‘zia lê nzoni’ na ndö ti
azo kue so angbâ ti
“tambela kirikiri”
nga ti zia ti sara songo na ala
peut-être ndali ti so
ala ye ti sara kua ape.
Ye oko,
a lingbi congrégation ni abâ
ala tongana awato ape,
me a lingbi a gboto mê
ti ala tongana aita.
Ndani ayeke ti pusu ala
ti changé bê ti ala.
Na ngoi so mo yeke diko
Use Mbeti na aThessalonicien
bâ tongana nyen la Satan apeut
ti sara kua na azo ti baba,
na asioni zo ti buba yâ ti
anzoni fango ye ti Christ;
tongana nyen la a yeke na
lege ti ndara ti sara songo
pëpe na azo so
atambela kirikiri,
me ti gboto mê ti
ala tongana aita;
nga tongana nyen la e bezoin
ti gbu ngangu na yâ ti apasi
na ngoi so e ngbâ ti kanga bê
ti ku komandema ti Royaume.

Nduru tënë ti Use mbeti na aThessalonicien