JW subtitle extractor

Le faatomuaga i le tusi o 2 Tesalonia.
Na faagaeeina le aposetolo o Paulo e tusia lenei tusi a o iai i Korinito i le pe tusa o le 51 T.A.,
ina ua māeʻa ona tusia lana tusi muamua i Tesalonia.
I lana tusi muamua,
na faalaeiauina ai le ‘auuso ia ola i se olaga to‘afimālie,
aua le isuisu fua i mea a isi,
ae tausia o latou manaʻoga faaletino.
Na aogā pea lenei fautuaga i le faapotopotoga i Tesalonia.
Ae na iai lava i latou na isuisu i mataupu a isi
ae paiē e galulue ina ia tausia o latou mana‘oga faaletino.
Na maua fo‘i e le faapotopotoga se tusi atonu na tusia e le aposetolo o Paulo po o isi uso ta‘umatuaina e faapea
“ua oo mai le aso o Ieova.”
E tolu mataupu o le tusi o lua Tesalonia.
I le mataupu 1 na faamalō atu ai Paulo i le ‘auuso i lo latou faatuatua ma le tumau,
ma faamatala atu o le a maua le mapusaga e i latou o mafatia i puapuaga,
pe a sau Keriso e ala i le mana o le Malo
e faaumatia fili o le Atua.
I le mataupu e 2 na faamatala atu ai e Paulo mea o le a tutupu a o le‘i oo mai le aso o Ieova.
O na mea e aofia ai ē fulitua i le tapuaʻiga moni
ma le faaalia mai o “le tagata o le amioleaga,”
o se vaega o ta‘ita‘i lotu.
O lenei tagata faafaatusa o le a faailoa atu o ia lava i le faapotopotoga.
E te silafia?
Ona o se tusi e lē sa‘o e faatatau iā Paulo atonu na salalau solo,
“O a‘u o Paulo, o o‘u alofaaga nei ua ou tusia i lo‘u lava lima,
ma o le faailoga lenei i tusi uma;
o la‘u tusilima lea.”
I le mataupu e 3, na fautuaina ai e Paulo le faapotopotoga ia “faailogaina,”
ma ia ō ese mai i so o se “uso e faalogogatā,”
o ē e lē mananaʻo e galulue.
Na lē tatau i le faapotopotoga ona manatu iā i latou o ni fili,
ae ia apoapoaʻi pea iā i latou o ni uso.
O le sini ia uunaʻia ai i latou e salamō.
A o e faitau i le 2 Tesalonia,
mātau le auala e faaaogā ai e Satani le tagata mimita ma amioleaga,
e faaleaga a‘oa‘oga moni a Keriso;
faapefea ona ‘alofia le faifaimea faatasi ma ē faalogogatā, ae ia apoapoaʻi pea iā i latou o ni uso;
ma le auala e tumau ai i puapuaga,
a o faatalitali atu ma le onosa‘i i le pulega o le Malo.

Faatomuaga o le Tusi o 2 Tesalonia