JW subtitle extractor

Omuaraa parau o te Tesalonia 2.
Ua papai Paulo i teie rata faufaa i Korinetia i te area tau 51,
i muri iti noa ’‘e i to ’na papairaa te rata matamua.
Roto te rata matamua, ua faaitoito atu Paulo ia imi maite i te hau,
ia haapao i to ratou toroa e ia ohipa no te aupuru ia ratou.
Mea tano teie a‘oraa.
I te mea ua faaô atu vetahi ia ratou i roto i ta vera ma ohipa,
aita ’tura i ohipa no te aupuru ia ratou.
Peneia‘e ua faatae-atoa-hia te poroi i te amuiraa
mai te mea ra no ǒ mai ia Paulo aore ra te tahi atu mau taeae, te na ô ra,
“ua tae mai te mahana o Iehova.”
E toru pene i roto i te Tesalonia 2.
I te pene 1, ua haapopou Paulo i te mau taeae no to ratou faaroo e faaoromai,
ua faataa oia no tei faaruru i te hamani-ino-raa
e tamahanahanahia ratou ia ho‘i mai te Mesia ei Arii no te haamou i to te Atua mau enemi.
I te pene 2, ua faataa Paulo e tupu te tahi mau ohipa hou te mahana o Iehova e tae mai ai.
Te vai ra i roto
te taiva rahi e “te taata ofati ture.”
Te hoê ïa pǔpǔ tia faaroo apotata
tei faateitei ia ’na iho i roto i te mau amuiraa.
Ua ite anei oe?
No te hoê rata haavarehia na Paulo i papai,
i faatae atu ai oia i tera poroi:
“Te faatae atu nei au, o Paulo, i to ’u aroha ta ’u i papai i to ’u iho rima,
o ta ’u ïa tapao i roto i ta ’u mau rata atoa.”
I te pene 3, ua a‘o Paulo i te amuiraa ia “tapao”
e ia faaea i te amuimui i te mau mero “haerea tano ore.”
Peneia‘e no to ratou hinaaro ore e rave i te ohipa.
Eita te amuiraa e hi‘o ia ratou mai te enemi ra,
e a‘o atu râ mai te taeae ra te huru.
Te fa, e aratai ia ratou i te tatarahaparaa.
A taio ai i te Tesalonia 2, a tapao
mea nafea Satani e faaohipa ’i te taata ino
e teoteo no te haaviivii i te mau haapiiraa a te Mesia,
nafea tatou e faaite ai te paari,
ma te ore e amuimui i te feia haerea tano ore
e ma te tamau i te a‘o ia ratou,
e nafea ia faaoromai i mua i te hamani-ino-raa a tiai noa ’i i te Faatereraa Arii.