JW subtitle extractor

Yi naa bed’eabʉchuta 1 Timoteo ʉ̃rʉ.
Pablobara 1 Timoteo kartara
bʉsi Macedonianeba,
poaga 61neba akʉza 64de.
Pablobara jarabʉ maʉ̃nera Timoteora
Efeso pʉwʉrʉdebasita.
Pablobara bʉsi 1 karta Timoteora,
kongregasion ara oita,
nejaradia sewidadeba
akʉza plata kãgadeba.
1 Timoteobara erbʉ 6 kapitulos.
Kapitulo 1nera,
Pablobara jarabʉ Timoteora
bamarẽã Efeso pʉwʉrʉde
ara oita yi Kristo nejaradiadeba jãpe wãnara.
Pablobara biga diasi Kristoba
sozubʉria akʉsibaera iyira.
Iya Daizeze kongregasiora
pewãbasimina kayirua oita,
Jesusbara mawũãmina jarasi k’ẽrẽpabʉta
Daizezeita trajabisibaera.
Kapitulo 2dera,
Pablobara jarabʉ wuabemara barira yiwid’ibarata.
Akʉza nok’ora ʉ̃rʉbida yiwid’ibarata.
Mawũã Daizeze pʉwʉrʉra neneẽã
trajadamarẽã Daizezeita.
Iyara jarabʉ Daizezebara kãgabʉta
ẽbẽra jõmaʉ̃ta ẽdrʉdamarẽã
akʉza bi’ia ũduk’awuadamarẽã wãrĩnuarata.
Kapitulo 3dera,
Pablobara jarabʉ k’ãrẽta oibarata
yi audre k’awuapanʉrabara
akʉza zõrãrã k’arebarabara.
¿K’awuabasika?
Griegodebema bed’ea jarabʉra «jidai»
jarakĩrãkʉ «eʉ̃barita nek’ãrẽ jidaita».
Apostolbara mawũã ũdubibʉ yi wuabemaraita
trajakĩrãbʉra kongregasione,
zarea oibarata.
Kapitulo 4dera,
Pablobara jarabʉ ʉ̃kʉrʉba
Daizeze ora idubʉdaita
akʉza sewakʉadaita.
Daizeze ʉ̃rʉ ĩjã k’ãrãpe i kayirua bed’eapanʉba,
sewidata bed’eadaita akʉza
iduaribida ẽ baita juwajidaira.
Iyara jarabʉ Timoteo’ara,
yiza bia baibarata bed’eabʉrʉde,
dayi sãwũãbʉde akʉza kãgade.
Timoteobara kongregasione
leibara Daizeze Bed’eara
akʉza jaradiaibara.
Kapitulo 5dera,
Pablobara Timoteo’ara ũrãg’abʉ
ũmakẽrã nabemararã yi zeze kĩrãk’a akʉibarata,
wẽrãra nabemararã akʉibarata yi papa kĩrãk’a,
adewara mebẽrã yi zakerarã
akʉibarata mebẽã kĩrãk’a.
Iya Timoteo’ara jarabʉ,
Kongregasionbara k’arebaibarata
pẽdrarãra ãya nek’ãrẽ waebʉde,
ãyita k’ẽrẽpa panʉbʉrʉ ãya nek’ãrẽ opanʉne.
Kapitulo 6dera,
Pablobara jarabʉ yi aña jaradiapanʉrarã
Kristoba jaradiadadebara, ʉ̃ta krĩchabʉta.
Pablobara jarabʉ yi nek’ãrẽ mejãcha
erbakĩrãbʉrabara baebʉta kayirua oita
akʉza kãgabaita nekayiruata.
Iya platata mejãcha kãga baera,
Daizeze odera bia wã ẽ bayi
akʉza maʉ̃neba mejãcha bed’ea pʉa ũduita.
Mejãcha nek’ãrẽ kãga k’aide,
Kristo k’aidu panʉrarã newãga ẽ baibara,
Daizezeta ĩjãibara,
mawũã ewari jõmaʉ̃nẽ panaita.
1 Timoteo akʉbʉrʉde,
akʉra sãwũã Jeowabara kãgabʉta
ẽbẽra jõmaʉ̃ta ẽdrʉdamarẽã,
bi’ia ũduk’awuaibarata wãrĩnuarata.
Daizeze ode panʉrabara
platara mejãcha kãga ẽ baibarata
akʉza sãwũã ewari jõmaʉ̃nẽ baseabʉta
Daizeze Nok’odeba.

Yi naa bed'eabʉchuta 1 Timoteo ʉ̃rʉ