JW subtitle extractor

Informasons sobri livru di 1 Timóteo.
Polu skrebe se primeru karta pa Timótiu kantu el staba na Masedónia,
entri anus 61 i 64 D.J.
El mostra ma Timótiu staba na Éfezu na kel ténpu.
Polu skrebe 1 Timóteo pa dexa klaru
modi ki ta fazedu kuzas na kongregason,
i pa aviza kóntra ensinus falsu i amor pa dinheru.
Primera Timóteo ten 6 kapítlu.
Na kapítlu 1
Polu insentiva Timótiu pa kontinua na Éfezu,
asi pa el korijiba alguns ki disvia di ensinus di Kristu.
Polu tanbê mostra se gratidon pa grandi mizerikórdia di Jizus Kristu.
Nbóra Polu antis ta pirsigiba kristons,
Jizus ta odjaba el sima un algen fiel,
pur isu el skodje-l pa faze trabadju di Jeová.
Na kapítlu 2
Polu fla ma nu meste ora pa otus algen.
Tanbê, nu pode ora pa govérnus dexa-nu faze nos trabadju di pregason
i vive na pas.
El splika ma vontadi di Deus
é ‘pa tudu tipu di algen salva i pa es
ten un konhisimentu izatu di verdadi.’
Na kapítlu 3
Polu fla kuzê ki un irmon ki sta sforsa pa
ser ajudanti di kongregason ô ansion meste faze.
Bu sabia ma vérbu gregu traduzidu pa ‘sforsa’
ta da ideia di un algen ki sta stika brasu pa konsigi algun kuza?
Nton, Polu mostra ma irmons ki krê sirbi
otus na kongregason debe sforsa.
Na kapítlu 4
Polu skrebe ma alguns ta dexaba verdadi
i es ta tenta lebaba otus djuntu ku es.
Kes ki ta bandona i fika kóntra Jeová
ta kontaba mintiras i ti ta proibiba kazamentu.
Polu insentiva Timótiu pa ser un bon izénplu na pâpia,
na konportamentu i na amor.
Timótiu devia kontinuaba ta midjora na lé pa públiku i na inxina.
Na kapítlu 5
Polu konsedja Timótiu pa trata ómis más grandi sima pai,
jóvens sima irmons,
mudjeris más grandi sima mai i kes más jóven sima irmans.
El splika Timótiu ma si meste,
kongregason debe da ajuda material pa
kes viúva di más idadi ki sta pasa nisisidadi
i ki é konxedu pa ses bons óbra.
Na kapítlu 6
Polu fla ma kes ki ta inxina kes kuza ki ta bai kóntra ensinus di Kristu
ta sta ‘xeiu di orgulhu’.
Polu fla tanbê ma ‘kes ki sta disididu na fika riku,
ta kai na tentason, na lasu’ i na txeu dizeju ki ta prujudika algen.
Ses amor pa dinheru ta pô-s ta kaba ku ses fé i ta traze-s txeu dór.
Sigidoris di Kristu ka debe ser ganansiozu,
má es debe kunfia na Deus i ser algen ki gosta di da,
prontu pa dividi ses kuza ku otus algen.
Asi, es ta pega riju na kel vida di verdadi.
Sima bu ta ba ta lé 1 Timóteo,
repara modi ki Jeová krê pa tudu tipu di algen
salva i pa ten konhisimentu izatu di verdadi,
modi ki kristons pode ivita ama dinheru,
i modi ki nu pode pega riju na kel vida di verdadi,
ki sô Reinu di Deus pode da-nu.

Informasons sobri 1 Timóteo