JW subtitle extractor

Nduru tënë ti Kozo
mbeti na Timothée.
Bazengele Paul ayeke
na Macédoine la
lo sû kozo lettre
ti lo na Timothée
na ngu 61 ti si
na 64 tongaso.
Paul afa so Timothée
ayeke na Éphèse
na ngoi ni so.
Paul asû Kozo mbeti na Timothée
ti fa lege so aye adoit ti tambela
na ni na yâ ti congrégation,
nga ti gboto mê na
ndö ti afango ye ti wataka
nga na ndoye ti nginza.
Kozo mbeti na Timothée
ayeke na achapitre omene.
Na chapitre 1,
Paul awa Timothée
ti ngbâ na Éphèse
si lo lingbi ti leke
bango ndo ti azo so
ayeke sara lani ye ague nde
na afango ye ti Christ.
Paul akiri nga singila ndali
ti kota nzoni bê ti Christ.
Atâa so kozo Paul asara ye ti ngangu
na congrégation ti aChrétien,
Jésus abâ so lo yeke be-ta-zo
na lege so lo mû na
lo mbeni kusala.
Na chapitre 2,
Paul atene so a yeke kota ye
ti sambela ndali ti ambeni zo,
même ndali ti akota zo ti kodro,
si azo ti Nzapa alingbi ti duti kpô
nga ala sara kusala
ti ala na yâ ti siriri.
Lo tene so ye so
bê ti Nzapa aye
a yeke ti tene “mara
ti azo nde nde kue
asö fini ti ala
nga ala wara tâ hingango
ye na ndö ti tâ tënë.”
Na chapitre 3,
Paul afa aye so
azo so ayeke gi ti ga azo ti bango
ndo na ndö ti congrégation
wala awakua ti mungo
maboko adoit ti sara.
Mo hinga?
Tënë ti Grec so a kiri
peko ni na “gi ti ga”
aye ti tene ti “gboto yâ ti terê
ti mo ti ndu mbeni ye.”
Tongaso,
Paul aye ti fa so
aita-koli so aye ti sara kua na
amba ti ala na yâ ti congrégation
adoit ti sara ngangu kue.
Na chapitre 4,
Paul afa so asi na mbeni ngoi
ambeni zo ayeke dö
ande lege ti mabe azia
na ala yeke gi ti
handa amba ti ala.
A-apostat so ayeke
tene atënë ti mvene
nga ala yeke ke même
na azo ti sara mariage.
Lo wa Timothée ti duti
mbeni nzoni tapande
na lege tënë ti yanga ti lo,
sarango ye ti lo
nga na ndoye ti lo.
A lingbi lo ngbâ
ti mû bê ti lo kue
na dikongo mbeti na gbele
azo nga na fango ye.
Na chapitre 5,
Paul awa Timothée ti sara ye na
ambakoro-koli tongana ababâ ti lo,
na amaseka-koli
tongana aita ti lo,
na ambakoro-wali
tongana amama ti lo
nga na amaseka-wali
tongana aita ti lo.
Lo tene na Timothée so
tongana lege ayeke dä,
a lingbi acongrégation amû maboko
na awali-mua so ayeke ambakoro
so ayeke biani na
bezoin ti mungo maboko
nga so a sara nzoni tënë ti ala
ndali ti anzoni kusala ti ala.
Na chapitre 6,
bazengele Paul atene so azo
so ayeke fa aye so ague nde
na afango ye ti Christ ayeke
azo so “baba ahon ndö ti” ala.
Paul atene so
“ala so aye gï ti ga azo ti
mosoro ayeke tï na yâ ti tara,
na yâ ti kûkû”
nga na abuba nzara nde nde.
Ndoye ti nginza ayeke
sara si mabe ti ala awoko
nga a yeke ga na ala
aye ti vundu nde nde.
Ahon ti duti azo ti
sarango bê ti ye,
a lingbi adisciple ti Christ
aduti azo so maboko ti ala awoko,
nga ala duti nduru
ti kangbi ye na azo,
ala sara confiance na Nzapa
tongaso si ala gbu fini
so ayeke tâ fini ni biani.
Na ngoi so mo yeke diko
Kozo mbeti na Timothée,
bâ tongana nyen
la Jéhovah aye si
mara ti azo nde nde
kue asö fini ti ala
nga ala wara tâ hingango
ye na ndö ti tâ tënë,
tongana nyen la aChrétien
alingbi ti kpe ndoye ti nginza,
nga tongana nyen
la e lingbi ti gbu fini
so ayeke tâ fini ni biani
so gï Royaume ti Nzapa
oko la alingbi mû ni na e.

Nduru tënë ti Kozo mbeti na Timothée