JW subtitle extractor

Le faatomuaga o le tusi o 1 Timoteo.
Na tusia e Paulo le tusi o 1 Timoteo i Maketonia
pe tusa o le 61 i le 64 T.A.
Na faailoa mai e Paulo o le taimi lea o loo iai Timoteo i Efeso.
Na tusia le 1 Timoteo e faamanino mai ai faatulagaga a le faapotopotoga,
ma lapata‘ia i a‘oa‘oga sesē ma le mana‘o tele i tupe.
E ono mataupu o le muamua Timoteo.
Mataupu 1 na faalaeiau ai Paulo iā Timoteo ia nofo pea i Efeso,
e faasa‘o ē ua liliuese mai a‘oa‘oga a Keriso.
Na faaleo mai fo‘i e Paulo lona talisapaia o le alofa mutimutivale o Keriso.
E ui na sauā o ia i le faapotopotoga,
ae na manatu Iesu o ia o sē faamaoni e ala i le tofia o ia i le faiva.
Mataupu e 2,
na tusi Paulo ia tatalo mo isi,
e aofia ai pule o malo,
ina ia maua ai e tagata o le Atua ni olaga filemu
ma faaauau ai le latou faiva.
Na ia faamatala mai o le finagalo o le Atua “ia faaolaina ituaiga uma o tagata
ma ia maua le poto saʻo i le upu moni.”
I le mataupu e 3,
na faailoa mai e le aposetolo o Paulo agavaa faaleagaga,
mo ē fia aapa atu i le tofi o se ovasia po o se auauna o le faiva.
E te silafia?
O le veape Eleni ua faaliliuina “aapa atu,”
e uiga atu i le aapa atu i se mea e faigatā ona e āu i ai.
Na faailoa mai e le aposetolo
e tatau i uso ona ofo atu i latou lava.
Na tusi Paulo i le mataupu e 4,
e iai le taimi o le a ō ese ai nisi mai le faatuatua ma faasesēina isi.
Latou te faia tala pepelo ma faasā isi ona faaipoipo.
Na ia faalaeiau Timoteo ia avea ma faaa‘oa‘oga lelei i le tautala,
le amio ma le alofa.
E tatau iā te ia ona to‘aga pea e faitau i luma o tagata ma a‘oa‘o atu.
Mataupu e 5 na fautuaina ai Timoteo ia feagai ma tane matutua e pei o ni tamā,
o taulele‘a o ni uso,
o tuafāfine matutua o ni tinā,
ma fafine talavou o ni tuafāfine.
Na ia taʻu atu iā Timoteo,
e tatau i le faapotopotoga ona saunia le tausiga mo fafine ua oti a latou tane,
o ē mana‘omia moni le fesoasoani
ma iai ni talaaga i galuega lelei.
Mataupu e 6 na ia taʻua ai o ē e a‘oa‘oina mea e ese mai i a‘oa‘oga a Keriso,
ua ‘faafefeteina i le faamaualuga.’
Na ta‘ua e Paulo “o ē fia mau‘oa, e pa‘u‘ū i latou i le faaosoosoga ma le mailei”
ma le tele o tu‘inanauga sesē.
O le mana‘o tele i tupe o le a faaleagaina ai le itu faaleagaga,
ma iʻu ai i le tele o tigā.
Nai lo le mana‘o tele,
e tatau ona mataalofa ma nofosauni e tufa atu,
maufaatuatuaina le Atua,
ina ia mafai ona latou taofimau i le ola moni.
A o e faitau i le 1 Timoteo,
mātau le finagalo o Ieova ia faaolaina tagata uma ma maua le poto sa‘o i le upu moni,
faapefea i Kerisiano ona ‘alofia le mana‘o tele i tupe,
ma pe faapefea ona tatou taofimau i le ola moni,
lea e na o le Malo o le Atua e mafai ona aumaia.

Faatomuaga o le Tusi o 1 Timoteo