JW subtitle extractor

Cyflwyniad i 1 Timotheus.
Ysgrifennodd yr apostol Paul ei lythyr cyntaf at Timotheus ym Macedonia, tua 61-64 OG.
Mae Paul yn awgrymu bod Timotheus yn Effesus ar y pryd.
Ysgrifennodd Paul 1 Timotheus i esbonio trefniadau yn y gynulleidfa
ac i rybuddio yn erbyn gau ddysgeidiaethau a chariad tuag at arian.
Mae gan 1 Timotheus chwe phennod.
Ym mhennod un, mae Paul yn annog Timotheus i aros yn Effesus
er mwyn cywiro’r rhai sydd wedi crwydro oddi wrth ddysgeidiaethau Crist.
Mae Paul hefyd yn mynegi diolchgarwch am drugaredd Crist.
Er bod Paul wedi erlid y gynulleidfa Gristnogol,
mae Iesu yn ei ystyried yn ffyddlon drwy aseinio gweinidogaeth iddo.
Ym mhennod dau, mae Paul yn sôn am yr angen i weddïo dros eraill gan gynnwys swyddogion y llywodraeth,
fel bod pobl Dduw yn gallu byw bywyd tawel a gwneud y weinidogaeth mewn heddwch.
Mae’n esbonio mai bwriad Duw ydy “i bobl o bob math gael eu hachub a dod i wybod y gwir.”
Ym mhennod tri, mae Paul yn egluro’r cymwysterau ysbrydol
ar gyfer y rhai sydd â’u bryd ar fod yn arolygwyr neu’n weision gweinidogaethol.
Oeddet ti’n gwybod?
Mae’r ferf Roeg a gyfieithir “â’u bryd ar” yn golygu “ymestyn i gael gafael ar rywbeth,”
sy’n dangos bod brodyr sydd eisiau gwasanaethu yn y gynulleidfa yn gorfod gwneud ymdrech fawr.
Mae Paul yn ysgrifennu ym mhennod pedwar y bydd yr amser yn dod
pan fydd rhai yn cefnu ar y gwir ac yn camarwain eraill.
Bydd y gwrthgilwyr hyn yn dweud celwyddau a hyd yn oed yn rhwystro pobl rhag priodi.
Mae’n annog Timotheus i fod yn esiampl dda drwy ei eiriau, ei ymddygiad, a’i gariad.
Dylai Timotheus barhau i ymroi i ddarllen a dysgu yn gyhoeddus.
Ym mhennod pump, mae Paul yn dweud y dylai Timotheus drin dynion hŷn fel tadau,
dynion ifanc fel brodyr,
gwragedd hŷn fel mamau,
a gwragedd ifanc fel chwiorydd.
Mae’n esbonio i Timotheus y dylai’r gynulleidfa roi help materol i weddwon oedrannus
sydd mewn gwir angen ac sydd ag enw da am wneud daioni.
Ym mhennod chwech,
mae Paul yn dweud bod y rhai sy’n dysgu pethau sy’n mynd yn groes i ddysgeidiaethau Crist
yn llawn ohonyn nhw eu hunain.
Hefyd, mae Paul yn dweud
y bydd “pobl sydd eisiau bod yn gyfoethog yn syrthio i demtasiwn
ac yn cael eu trapio gan chwantau ffôl.”
Bydd eu cariad tuag at arian yn difetha eu bywydau ysbrydol
ac yn achosi loes a galar iddyn nhw.
Yn hytrach na bod yn farus, dylai dilynwyr Crist fod yn hael,
yn barod i rannu,
ac ymddiried yn Nuw,
fel eu bod nhw’n gallu cael gafael yn y bywyd go iawn.
Wrth iti ddarllen 1 Timotheus,
sylwa ar sut mae Jehofa eisiau “i bobl o bob math gael eu hachub a dod i wybod y gwir,”
ar sut gall Cristnogion osgoi cariad at arian,
ac ar sut gallwn ni gael gafael ar y bywyd go iawn,
sydd ond yn dod inni drwy Deyrnas Dduw.