JW subtitle extractor

Yi naa bed’eabʉchuta 2 Timoteo ʉ̃rʉ.
Pablobara bʉsi naʉ̃ kartara
poaga 65 k’aita.
Nok’o Neronbara pẽwa jũdrʉsi kristianorãra.
Kõbebʉrʉ Pablora jẽda
karcelde bʉesida Romane.
Naʉrãra iyira deda jida erpanasi,
mamina naʉ̃arera bari juwua tajʉ̃ erpanʉ ẽ,
awuarabʉrʉ beadaita jirpanʉ.
Pablobara bʉsi naʉ̃ kartara
Timoteoba owãmarẽã Daizezeba amʉenata,
adewara nejõma omarẽã,
Daizezeba bia akʉmarẽã.
Akʉza oẽ bamarẽã
yi zakebedaʉba okĩrãbʉta.
2 Timoteobara erbʉ
kuatro kapitulo,
Pablobara iyi kartadeba
zarea diabʉ Timoteora,
baribʉrʉ Timoteora Efesode basi,
Pabloba jarabʉ ʉ̃kʉrʉ mebẽrãraba
wãpẽwãna ẽ basita iyira,
mamina zok’abʉesi Onesiforota.
Iyara mejãcha k’arebabasi baera Pablota.
Kapitulo dosdera,
Pabloba jarabʉ Timoteobara
jaradiamarẽã ẽbẽrarã kẽrẽpa panʉra.
Iya nek’ãrẽ mejãcha k’awuadata Pablodeba.
Apostolbara jarabʉ ba ẽ bamarẽã ẽbẽrarã
krĩcha zeriea bed’ea panʉne,
maʉ̃bara jõbiseabʉ baera.
¿K’awuabasika?
Pablobara bʉsi katorse libros
kinse poaga berabaribʉrʉde.
Yi mabʉita bʉsi segunda karta a Timoteota.
Iyi Romane karseldebasidera bʉsi sinko libros,
iyara Hebreos librora bʉsi baibara
iyi karseldeba ẽdrʉi nãã
maʉ̃ne ẽbʉrʉ iyi ẽdrʉdatẽã.
Kapitulo tresdera, Pablobara jarabʉ
sãwũã b’aita ẽbẽrarã naʉ̃ ewari jõbodoarera.
Maʉ̃are jarabʉ Timoteo’a,
Daizeze Bed’eara Daizezeba bʉbisita.
Maʉ̃ba buru biabaseabʉta ẽdrʉita.
Pablobara jarabʉ yi Daizezeita
trajakĩrapanʉra Kristo k’awa
pẽwãnaita.
Kapitulo kuatrodera,
Pablobara jarabʉ Timoteo’a
Daizeze Bed’eara añabasi b’ai jaradiamarẽã
jʉrʉ baera ẽbẽrarã wãrĩnu ũrĩkirabe ẽãta,
awuarabʉrʉ ãyara ũrĩkirãpanʉta
sewida nẽbʉrata.
Pabloba jarabʉ iyi beadaira k’aitanʉminata.
Maʉ̃era jarabʉ Timoteo añabaseabai ze marẽã
iyi kaidʉbamarẽã Markota.
Segunda karta Timoteo’a akʉbʉrʉde
Akura mebẽã Pablora iyi bed’eaita jirpanasimina,
krĩcha obasita wabemarabari
mamina audre Timoteo k’area.
Akʉza ãyira sãwũã pẽwãnaibasita
Daizezeita trajabʉ k’area.
Pablode kĩrãk’a akʉza Timoteode kĩrãk’a
dayirãbara oibara Daizezeba jarabʉta,
opanʉne Daizeze Nok’oba jarabʉta.