JW subtitle extractor

«2 Տիմոթեոս» գրքի ներածություն

Video Other languages Share text Share link Show times

«2 Տիմոթեոս» գրքի ներածություն։
Այս նամակը գրել է Պողոս առաքյալը Հռոմում
մ.թ. մոտ 65 թ.-ին։
Ներոն կայսրը սկսել էր հալածել քրիստոնյաներին,
և Պողոսը կրկին բանտարկված էր Հռոմում։
Իր առաջին բանտարկության ժամանակ
նա տնային կալանքի տակ էր։
Սակայն այս անգամ իրավիճակը
շատ ավելի լուրջ էր։
Առաքյալը ոչ միայն շղթայված էր,
այլև նրան սպառնում էր մոտալուտ մահը։
Պողոսն այս ջերմ նամակը գրեց Տիմոթեոսին՝
հորդորելով նրան «կրակի նման
վառ պահել Աստծու պարգևը»,
որը նա ստացել էր,
իր լավագույնն անել Աստծու
հավանությունը չկորցնելու համար
և փախչել երիտասարդական անպատշաճ ցանկություններից։
«2 Տիմոթեոս» գիրքը բաղկացած է 4 գլուխներից։
Պողոսն իր նամակը սկսում է՝
քաջալերական և ջերմ խոսքեր ասելով Տիմոթեոսին,
որը թերևս դեռ Եփեսոսում է։
Առաքյալն ասում է,
որ Ասիայում բնակվող որոշ եղբայրներ
երես են թեքել իրենից։
Սակայն նա գովում է Օնեսիֆորոսին,
որը քաջաբար փնտրել էր իրեն,
որ ծառայություն մատուցի։
2-րդ գլխում Պողոսը Տիմոթեոսին ասում է,
որ հավատարիմ մարդկանց սովորեցնի այն ամենը,
ինչ նա սովորել է իրենից։
Առաքյալը նրան հորդորում է
«մերժել հիմար և անիմաստ բանավեճերը՝
իմանալով, որ դրանք վիճաբանություններ են առաջ բերում»։
Գիտեի՞ք արդյոք,
որ «2 Տիմոթեոս» նամակը
վերջինն է այն 14 գրքերից,
որոնք առաքյալը սուրբ ոգու ներշնչմամբ գրել է
մոտ 15 տարվա ընթացքում։
Այդ գրքերից առնվազն հինգը նա գրել է Հռոմում
անազատության մեջ գտնվելիս։
«Եբրայեցիներ» գիրքը Պողոսը գրել է կա՛մ
ազատ արձակվելուց կարճ ժամանակ առաջ,
կա՛մ կարճ ժամանակ հետո։
3-րդ գլխում Պողոսը կանխագուշակում է,
թե մարդիկ ընդհանուր առմամբ ինչպիսին էին
լինելու Սատանայի աշխարհի վերջին օրերում։
Այնուհետև նա Տիմոթեոսին հիշեցնում է,
որ Սուրբ Գիրքը, որը «Աստծու ներշնչմամբ է գրված»,
կարող է «իմաստուն դարձնել նրան փրկության համար»։
Պողոսը նաև ասում է,
որ «բոլոր նրանք, ովքեր ցանկանում են
որպես Քրիստոս Հիսուսի հետևորդներ
ապրել Աստծու հանդեպ նվիրվածությամբ,
պիտի հալածվեն»։
4-րդ գլխում առաքյալը ամենայն
լրջությամբ Տիմոթեոսին պատվիրում է
խոսքը քարոզել հրատապության զգացումով,
քանի որ գալիս է մի ժամանակ,
երբ ոմանք չեն հանդուրժի ճշմարտությունը,
այլ կնախընտրեն իրենց ականջներին
հաճելի սուտ պատմություններ լսել։
Այնուհետև Պողոսն ակնարկում է, որ իր մահը մոտ է,
ուստի Տիմոթեոսին խնդրում է, որ շուտով իր մոտ գա
և իր հետ բերի Մարկոսին։
«2 Տիմոթեոս» նամակը կարդալիս
ուշադրություն դարձրեք,
որ Պողոսը, չնայած իր մոտալուտ մահվանը,
գլխավորապես մտահոգված էր ուրիշների,
հատկապես իր սիրելի Տիմոթեոսի բարօրությամբ,
որ բոլոր նրանք, ովքեր ցանկանում են ապրել
Աստծու հանդեպ նվիրվածությամբ, պիտի հալածվեն,
և որ Պողոսի ու Տիմոթեոսի պես՝ մենք պետք է
ամբողջովին կատարենք մեր ծառայությունը՝
կենտրոնացած լինելով Աստծու Թագավորության վրա։