JW subtitle extractor

Nduru tënë ti
Use mbeti na Timothée.
Bazengele Paul la asû lettre so
na Rome na ngu 65 tongaso.
Na ngoi ni so,
Néron,
togbia ti Rome akomanse lani sarango
ye ti ngangu na aChrétien awe,
nga a kiri a kanga
Paul na Rome.
Na ngoi ti kozo
kanga ti Paul lani,
lo sara kanga na da ti lo wani.
Ti so ni so,
ye ni ayeke ngangu mingi.
Lo yeke gï na yâ
ti chaîne ape,
me nga a ga tâ nduru
mingi ti fâ lo awe.
Paul asû lani kpengba lettre so
ti wa Timothée
ti ‘sara si matabisi ti
Nzapa so ayeke na lo
angbâ gï ti za tongana wâ,’
ti sara ngangu kue
ti tene Nzapa abâ
lo na nzoni lê
nga ti kpe yongoro na anzara
ti bê so ayeke
gbu ka amaseka.
Use mbeti na Timothée
ayeke na achapitre osio.
Na tongo nda ti lettre ti Paul,
na bê ti lo,
lo kpengba Timothée,
so ayeke peut-être
encore na Éphèse.
Paul atene so
ambeni ita so ayeke na Asie
atourné peko ti ala na lo.
Me lo gonda Onésiphore,
so na mbeto pëpe
agi lani Paul
ti sara kua na lo.
Na chapitre 2,
Paul atene na Timothée ti fa
na akoli so ayeke be-ta-zo
aye so lo manda
lani na mbage ti lo.
Bazengele Paul
agboto mê ti Timothée
ti ‘ke apikango patara ti buba
nga ti senge senge,
na hingango so
a yeke dü tiri.’
Mo hinga?
Use lettre so Paul
atokua na Timothée la
ayeke ndangba buku
na popo ti abuku 14
so yingo apusu lo ti sû ni
na yâ ti angu 15 tongaso.
Na popo ti andangba buku oku
so lo sû na ngoi so lo yeke
lani na kanga na Rome,
lo sû mbeti na aHébreu kete
kozo si a zi lo na kanga
wala kete na pekoni.
Na chapitre 3,
Paul afa sarango ye ti
terê ti mingi ti azo ande
na lâ ti nda ni na
yâ ti dunia ti Satan.
Na pekoni,
Paul adabe ti Timothée so
atënë ti yâ ti
Mbeti ti Nzapa,
so “a sû ni na gbe
ti yingo ti Nzapa,”
ayeke na ngangu ti
sara si lo “wara ndara
ti wara na salut.”
Paul atene nga so azo kue so aye
ti voro Nzapa na bê ti ala kue
na sarango beoko na Christ Jésus,
a yeke sara ande ye
ti ngangu na ala.
Na chapitre 4,
Paul amû yanga na
Timothée ti fa tënë hio
ndali ti so mbeni ngoi
ayeke ga ande so
ambeni zo ayeke
ke ande tâ tënë,
na ala soro ti mä gï ambaï ti
mvene so anzere na mê ti ala.
Na pekoni,
Paul afa so lo ga
nduru ti kui awe;
tongaso lo hunda Timothée
ti ga hio na terê ti lo
na ti ga na Marc.
Na ngoi so mo yeke diko
use mbeti na Timothée,
bâ tongana nyen la,
atâa so Paul aga
tâ nduru mingi ti kui,
tënë ti amba ti lo la
agbu bê ti lo kozo,
mbilimbili Timothée so lo ye lo;
tongana nyen la azo kue
so aye ti voro Nzapa
na bê ti ala kue,
a yeke sara ande
aye ti ngangu na ala;
nga tongana nyen la,
tongana ti Paul na Timothée,
a lingbi e sara kusala ti
e ti fango tënë ni kue
na ngoi so
e ngbâ ti zia lê ti e na
ndö ti Royaume ti Nzapa.

Nduru tënë ti Use mbeti na Timothée