JW subtitle extractor

Le faatomuaga o le tusi o 2 Timoteo.
O lenei tusi na tusia e le aposetolo o Paulo
a o iai i Roma
pe tusa o le 65 T.A.
Na sauāina e le Emeperoa o Nero Kerisiano,
ma na toe faafalepuipui ai Paulo i Roma.
I le taimi muamua na faafalepuipui ai,
na saisaitia o ia i se fale,
ae ua sili atu ona leaga lona tulaga i le taimi lenei.
E lē na o le loka i filifili
ae na toetoe a maliu ai.
Na faalaeiau atu Paulo iā Timoteo
ina ia “faamumū e pei o se afi le meaalofa a le Atua” ua ia maua,
ia taumafai malosi e maua le finagalo malie o le Atua,
ma ia sola ese mai tu‘inanauga masani o talavou.
E fa mataupu o le tusi o lua Timoteo.
Na amata lenei tusi i faalaeiauga mo Timoteo,
o lē atonu na iai pea i Efeso.
Na ta‘ua e Paulo nisi o uso i Asia ua ō ese mai iā te ia.
Ae na ia faamalō atu iā Oneseforo,
o lē na lototele e sa‘ilia o ia ma auauna atu i ai.
I le mataupu e 2 na ta‘u atu ai e Paulo iā Timoteo,
e faasoa atu i tane faamaoni le tele o mea na ia a‘oa‘oina mai ia te ia.
Na augani atu fo‘i iā Timoteo
e ‘‘alofia fesili valea e leai se uiga,
e tupu ai le femisaa‘i.’
E te silafia?
O le tusi lona lua iā Timoteo,
o le tusi mulimuli o tusi faagaeeina e 14 a le aposetolo ,
na tusia i se vaitaimi pe tusa ma le 15 tausaga.
Na ia tusia le pe ā ma le lima tusi a o taofia i Roma.
O le tusi o Eperu na tusia a o leʻi faasaʻoloto,
po ua uma foʻi ona faasaʻoloto o ia.
I le mataupu e 3,
na valoia ai e Paulo amioga a tagata a o faagasolo aso e gata ai.
Ona faamanatu atu lea iā Timoteo
o Tusitusiga Paia ia e “mai i le agaga o le Atua,”
e mafai ona ‘faapotoina ai o ia mo le faaolataga.’
Na ta‘ua fo‘i e Paulo,
e sauāina i latou uma e naunau e ola ma le faamaoni i le Atua
ma aufaatasi ma Keriso Iesu.
I le mataupu e 4 na ta‘u atu ai e Paulo iā Timoteo,
ia maelega e tala‘i atu
auā e iai le taimi e lē talia ai e isi le upu moni,
ae faalogo i a‘oa‘oga sesē.
Ona faailoa atu lea e Paulo ua lata ina maliu o ia,
o lea na ia fai atu iā Timoteo
ina ia vave sau iā te ia ma aumai Mareko.
A o e faitau i le tusi o 2 Timoteo,
mātau le auala na faaalia ai e Paulo le manatu mamafa i isi,
aemaise lava iā Timoteo,
e ui na ia fesagaʻia le oti,
faapefea ona sauāina i latou uma e naunau e ola ma le faamaoni i le Atua,
ma pe faapefea ona tatou pei o Paulo ma Timoteo,
i le faia ma le māe‘ae‘a o la tatou faiva,
a o tepa taula‘i atu i le Malo o le Atua.

Faatomuaga o le Tusi o 2 Timoteo