JW subtitle extractor

Informasons sobri livru di Tito.
Apóstlu Polu skrebe kel karta li pa Titu
pa vólta di anu 61 ti 64 D.J.
Talvês Polu skrebe kel karta li na Masedónia,
un ténpu dipôs ki el podu prézu pa primeru bês na Roma.
Kantu Polu tradu di kadia, el sirbi na Kreta djuntu ku Titu.
Dipôs ki apóstlu Polu bai, Titu kontinua la.
Titu tevi un trabadju difísil na Kreta.
Kuazi tudu algen di la éra konxedu pa ser dizonéstu,
prigisozu i ki ta kumeba dimás.
Kes kuza mariadu li influensia alguns na kongregason.
Nton, na se karta,
Polu pidi Titu pa koriji kes
prubléma na kongregasons na Kreta
i pa el skodje ómis ki staba kualifikadu pa ser ansions.
Livru di Tito ten 3 kapítlu.
Kapítlu 1
ta mostra kes kualidadi ki un irmon
debe ten pa ser ansion na kongregason.
Dipôs Polu fla Titu pa koriji kes ki staba ta tenta ngana ses irmon,
i pa el koriji-s ku firméza.
Kes algen li ta inkluiba kes ómi rebéldi,
kes ki ta nganaba algen ku palavras
i kes ki ta insistiba ma tinha ki ta fazedu sirkunsizon.
Na kapítlu 2
Polu ta pâpia di kes bon kualidadi
ki ómis i mudjeris ki é kriston debe mostra,
ti mésmu skravus.
Polu insentiva Titu pa el pâpia i aji ‘ku tudu autoridadi’,
i el fla-l tanbê: ‘Ka bu dexa ningen dispreza-u.’
Bu sabia ma
informasons ki Bíblia ta da sobri Titu
ta mostra ma el éra un enkaregadu
di kunfiansa ki podia resebeba diziginasons
El éra korajozu, firmi,
el ta mostraba amor i el éra un algen ki ta organizaba kuzas dretu.
Polu tinha sertéza ma Titu ta fazeba un bon trabadju na Kreta.
Na kapítlu 3
Polu fla Titu pa lenbra kes kriston Kreta na
pa es obi ku govérnus di mundu,
pa es ser ikilibradu,
pa es ka ser algen ki gosta di briga
i pa es ser mansu ku tudu algen.
Pa tirmina, Polu konsedja Titu pa ivita kes rasusinu tolu
i brigas sobri Lei di Muizes
i pa ivita kalker algen ki ta insentiva algun tipu di seita.
Sima bu ta ba ta lé karta ki Polu skrebe pa Titu,
repara modi ki enkaregadus, debe mostra koraji,
óras ki es ta lida ku prublémas na kongregason,
modi ki spritu di Deus pode atrai pesoas di tudu rasa
i djuda-s dizenvolve un manera di ser sima di Kristu,
i modi ki nu debe ivita kes kuza mariadu
ki ta faze párti di mundu di Satanás
pa nu erda Reinu di Deus.