JW subtitle extractor

Nduru tënë ti mbeti ti Tite.
Yingo apusu lani bazengele
Paul ti sû mbeti na Tite
na ngu 61 ti si
na 64 tongaso.
Paul asû lani lettre so
peut-être na Macédoine
ambeni ngoi na peko ti kozo
kanga so lo sara na Rome.
A yeke polele so na
peko ti so a zi Paul,
lo na Tite asara kua na Crète.
Na pekoni,
lo zia Tite angbâ kâ.
Tite ayeke lani na mbeni
kota kua ti sara na Crète.
A hinga mingi ti azo ni
kâ tongana azo ti likisi,
azo so aye kua ape
nga azo ti tengo
ye ahon ndö ni.
Asioni sarango ye
so asara lani ngangu
na ndö ti ambeni ita
ti congrégation ni.
Tongaso na yâ ti lettre so,
Paul ahunda na Tite ti leke akpale
so ayeke na yâ ti congrégation ni
nga ti zia akoli so alingbi ti
sara kua tongana a-ancien.
Mbeti na Tite ayeke
na achapitre ota.
Chapitre 1 afa asarango ye so
azo so aye ti ga ancien na yâ
ti congrégation adoit ti duti na ni.
Na pekoni,
Paul atene na Tite ti suku
ngangu na azo so
atara ti handa aita
ti ala aChrétien.
Na popo ti ala,
a yeke wara azo ti ngangu-li,
azo ti dikongo
asenge senge tënë
nga na azo so agbu tënë
ti fango ganza ngangu.
Na chapitre 2,
Paul afa gbâ ti apendere sarango ye
so a lingbi aChrétien kue aduti na ni,
même ala so ayeke angbâa.
Paul awa Tite ti sara tënë
nga ti sara ye ‘na komandema
kue so lo yeke na ni’
nga lo tene:
“Zia mbeni zo abâ mo
tongana mbumbuse zo pëpe.”
Mo hinga?
Tongana ti so a fa na yâ
ti mbeti so a tokua na Tite,
so ayeke bâ ndo na
ndö ti congrégation,
a mû lani na lo akota
kua so ayeke ngangu.
Lo yeke na courage,
lo luti ngangu,
lo sara ye na ndoye
nga lo hinga ti leke
yâ ti aye nzoni.
Paul ayeke na confiance so Tite
ayeke sara pendere kua na Crète.
Na chapitre 3,
Paul atene na Tite ti
dabe ti aChrétien ti Crète
ti mä yanga ti azo ti komande,
ti sara ye na lege ni,
ti duti pëpe azo so aye papa
nga ti fa so ala sara ye na
ngangu pëpe na azo kue.
Na nda ni,
Paul afa na Tite ti ke
ahundango ndo ti buba
nga na atiri na ndö ti
tënë ti Ndia ti Moïse
na ti ke zo kue so
ayeke maï tënë ti secte.
Na ngoi so mo yeke
diko mbeti na Tite,
bâ tongana nyen la a lingbi
a-ancien asara ye na mbeto ape
ti leke akpale na yâ
ti congrégation,
tongana nyen la yingo ti Nzapa
alingbi ti gboto azo ti amara kue
nga ti aidé ala ti gi ti duti
na asarango ye ti Christ,
nga tongana nyen la azo kue
so aye ti duti na gbe ti
Royaume ti Nzapa
adoit ti ke asioni sarango ye so
a hinga na azo ti dunia ti Satan.

Nduru tënë ti mbeti na Tite