JW subtitle extractor

Le faatomuaga o le tusi o Tito.
Na tusia e le aposetolo o Paulo le tusi iā Tito
i le pe ā o le 61 i le 64 T.A.
Atonu na ia tusia i Maketonia
ina ua māe‘a lona uluaʻi faafalepuipuiina i Roma.
Ina ua faasaʻoloto Paulo,
na la auauna ma Tito i Kereta.
Ina ua toe foʻi le aposetolo,
na nofo ai pea Tito i inā.
Na tofia Tito i se tofiga faigatā i Kereta.
O tagata i inā,
na iai ni talaaga lē faamaoni,
paiē ma aai tele.
O na masaniga leaga
na aafia ai isi i le faapotopotoga.
O lea, na taʻu atu ai e Paulo iā Tito
e faasaʻo mea sesē i le faapotopotoga
ma tofia tane agavaa e auauna o ni toeaina.
E tolu mataupu o le tusi o Tito.
I le mataupu 1,
o loo faamatala mai ai agavaa faaleagaga mo toeaina i le faapotopotoga.
Na taʻu atu e Paulo iā Tito,
ia matuā aʻoaʻia i latou e taumafai e taʻitaʻisesēina uso,
e aofia ai tagata amio lē pulea,
o ē tautatala i mea lē aogā,
ma i latou e tausisi i le peritomeina.
I le mataupu e 2,
o loo taʻua ai e Paulo uiga lelei e tatau ona faaalia e tane ma fafine Kerisiano,
e aofia ai ma pologa.
Na ia faalaeiauina Tito ina ia tautala ma gaoioi “ma le pule uma lava,”
ma faapea atu:
“Aua ne‘i vaai maulalo se tasi iā te oe.”
E te silafia?
I le talaaga o Tito i le avea o se ovasia Kerisiano,
na maufaatuatuaina o ia i ni tofiga faigatā.
O sē lototele,
tumau,
alofa,
ma e lelei i le faamaopoopoina o mea.
Sa mautinoa e Paulo,
o le a faia e Tito se galuega lelei i Kereta.
I le mataupu e 3,
na taʻu atu ai iā Tito e faamanatu i Kerisiano i Kereta,
ia usiusitaʻi i faipule silisili,
ia magafagafa,
aua le faatupu vevesi,
ma ia matuā agamalu i tagata uma.
Na tima‘i atu Paulo ia ‘aloese mai i fesili valea ma finauga i le Tulafono a Mose,
ma teena so o se tasi e na te faasalalau ni a‘oa‘oga sesē.
A o e faitau i le tusi o Tito,
mātau le auala e taulima ai ma le lototele e ovasia faafitauli i le faapotopotoga,
le auala e tosina mai ai e le agaga o le Atua tagata mai ituaiga uma ma atiaʻe uiga faa-Kerisiano,
ma le auala e teena ai e tagatānuu o le Malo o le Atua masaniga leaga,
lea ua mātaulia ai le lalolagi a Satani.

Faatomuaga o le Tusi o Tito