JW subtitle extractor

Yi naa bed’eabʉchuta Filemon ʉ̃rʉ.
Pablobara bʉsi naʉ̃ kartara Filemoita.
Iyi neũduk’awuara basi pʉwʉrʉ Colosade,
Asia Menorde.
Naʉ̃ kartara bʉsida
poaga 60 61ne.
Bed’eabʉ Onesimo ʉ̃rʉ.
Onesimora Filemon nezok’abasi,
iyira mirʉ wãnabasi Filemoneba
mamina k’awua ẽ
sãwũã Onesimobara ũduk’awuasita Pablora,
maʉ̃ tẽã iyira kristianobasi.
Filemon kartabara erbʉ 25 bersikulo.
Bed’eabʉ iyi kartadeba Filemon’ʉ̃me,
Apia,
Arkipoʉ̃me akʉza wuabemara mebẽrãʉ̃me.
Maʉ̃ne jarasi Filemon’a
Onesimora nezok’a zeri ẽã basita
mamina iyira
kristianobada tẽã ẽbẽra biabasita.
Iyira audre bakĩrãbasita Onesimoʉ̃me
ewari bio bayeda.
Pablora yi burubasimina,
jara ẽ basi Onesimo’a iyi k’awa bamarẽã
awuarabʉrʉ jẽda zok’abʉesi
Filemonma.
Iyira wawarabasi 1.400 kilometro,
mawũẽra Pabloʉ̃mera yi neũduk’awua bera
jarasi Onesimora bia akʉmarẽã,
akʉ ẽ marẽã yi nezok’a kĩrãk’a
awuarabʉrʉ akʉmarẽã yi mebẽã’ara kĩrãk’a.
Adewara iya naʉ̃ kartara
iyi juwaba bʉsi
iya mawũã oba ẽ basimina.
K’awuabasika.
Pablobara wuabemara karta bʉbasidera
bed’eabasi kongregasionenʉmʉ bed’ea ara oita
mamina iya naʉ̃ kartara bʉsi iyi bed’ea zroma
jõma ara oita.
Naʉ̃ kartadera bed’eabʉ
Pabloba widibʉta Filemon’a
iyi nezok’ara akʉmarẽã mebẽã kĩrãk’a.
Pablobara k’aubʉ Filemonbara
iya jarada kĩrãk’a oita.
Filemon karta akʉbʉrʉde
akʉra dayirãba sãwũã ĩjãseabʉta
dayirã mebẽrãra
akʉza Pablobara sãwũã eda krĩchabʉta ũdʉbisita,
iyita yi burubasimina.
Adewara audre bika b’aita ẽbẽra bia b’aita
akʉza kĩrãduaita wuabema nemitia odara
mawũã Daizeze Nok’o juwa edre b’aita.

Yi naa bed’eabʉchuta Filemón ʉ̃rʉ