JW subtitle extractor

Katrangan buku Filémon.
Paulus nulis surat iki
khususé nggo Filémon.
Dhèké kuwi sedulur seiman sing manggon
nèng Kolose nèng Asia Kecil.
Surat sing ditulis nèng Roma
taun 60 utawa 61 Masèhi iki
nyritakké soal Onésimus,
budhak sing ninggalké Filémon, majikané.
Onésimus kenal karo Paulus nèng Roma.
Bar kuwi, Onésimus dadi wong Kristen.
Mung ana 25 ayat nèng buku Filémon.
Nèng awal suraté,
Paulus ngirim salam nggo Filémon lan
para sedulur sing ngibadahé nèng omahé Filémon,
klebu Apfia lan Arkhipus.
Paulus ngandhani Filémon nèk Onésimus,
sing mauné dianggep budhak sing ra guna,
saiki wis dadi sedulur seiman.
Malah, Paulus péngin Onésimus
manggon sementara nèng Roma.
Ning, Paulus ora gelem lancang.
Mula, Paulus ora meksa bèn Onésimus
manggon nèng kono tanpa ijin majikané.
Paulus ngongkon Onésimus bali
nèng nggoné Filémon,
sing adohé luwih seka 1.400 kilomèter.
Merga wong Kristen kudu nresnani
seduluré lan Filémon kuwi kanca akrabé,
mula Paulus njaluk bèn dhèké
nampa Onésimus dadi sedulur.
Malah, Paulus dhéwé sing nulis surat kuwi,
padahal biasané ora ngono.
Apa njenengan ngerti?
Surat nggo Filémon kuwi siji-sijiné
suraté Paulus sing ditulis khusus
nggo salah siji sedulur lan
ngrembug masalah pribadi.
Surat kuwi ngrembug soal Onésimus,
budhak sing saiki ya dadi sedulur.
Paulus ya yakin nèk Filémon bakal
nindakké luwih seka sing dijaluk Paulus.
Wektu maca buku Filémon,
gatèkna piyé awaké dhéwé
isa nduduhké nèk percaya karo para sedulur,
piyé Paulus nduduhké sipat rendah hati
lan ora lancang,
lan piyé Paulus nandheské soal
sipat apikan lan seneng ngapura
sing kudu diduduhké rakyaté Kratoné Allah.

Katrangan Buku Filémon