JW subtitle extractor

«Փիլիմոն» գրքի ներածություն

Video Other languages Share text Share link Show times

«Փիլիմոն» գրքի ներածություն։
Պողոսը այս նամակը գլխավորապես հասցեագրել է
իր ընկերոջը և հոգևոր եղբորը՝ Փիլիմոնին,
որն ապրում էր Փոքր Ասիայի Կողոսա քաղաքում։
Այս նամակում, որը գրվել է Հռոմում
մ.թ. մոտ 60 կամ 61 թ.-ին,
խոսվում է Փիլիմոնի ստրուկ Օնեսիմոսի մասին,
որը փախել էր նրանից։
Հռոմում Օնեսիմոսը ծանոթացել էր Պողոսի հետ
և կարճ ժամանակ անց քրիստոնյա էր դարձել։
«Փիլիմոն» գիրքը բաղկացած է
ընդամենը 25 համարներից։
Պողոսն իր նամակը սկսում է՝
ջերմ ողջույններ ուղղելով Փիլիմոնին
և նրա տան մեջ եղող ժողովին,
այդ թվում՝ Ապպիային ու Արքիպոսին։
Առաքյալը Փիլիմոնին ասում է,
որ Օնեսիմոսը, որը նախկինում անպիտան ծառա էր,
հիմա հոգևոր թանկ եղբայր է,
այնպես որ ինքը կուզենար, որ նա
որոշ ժամանակ Հռոմում մնար։
Սակայն Պողոսը չի չարաշահում իր իշխանությունը՝
պնդելով, որ Օնեսիմոսը,
առանց իր տիրոջ թույլտվության, իր մոտ մնա։
Ուստի նա Օնեսիմոսին հետ է ուղարկում Փիլիմոնի մոտ,
որն ապրում է ավելի քան 1400 կիլոմետր հեռու։
Պողոսը, հիմնվելով քրիստոնեական սիրո
և իրենց ընկերական փոխհարաբերությունների վրա,
Փիլիմոնին հորդորում է Օնեսիմոսին
ընդունել ոչ թե որպես ստրուկի,
այլ որպես սիրելի եղբոր։
Առաքյալը նույնիսկ իր ձեռքով է գրում ամբողջ նամակը,
ինչը նրա համար անսովոր բան է։
Գիտեի՞ք արդյոք,
որ «Փիլիմոն» նամակը Աստծու ներշնչմամբ Պողոսի գրած միակ նամակն է,
որը գլխավորապես հասցեագրված է մի անհատի
և անձնական հարցի մասին է։
Այս նամակով առաքյալը Օնեսիմոսին ներկայացնում է
իր նոր կարգավիճակում.
նա ստրուկ է, բայց այժմ նաև եղբայր է դարձել։
Պողոսը վստահություն է հայտնում,
որ Փիլիմոնը իր ասածներից նույնիսկ ավելին կանի։
«Փիլիմոն» նամակը կարդալիս ուշադրություն դարձրեք,
որ մենք պետք է վստահություն
արտահայտենք մեր եղբայրների նկատմամբ,
որ Պողոսը իսկական խոնարհություն դրսևորեց՝
չչարաշահելով իր իշխանությունը,
և որ նա ընդգծեց բարության և
ներողամտության կարևորությունը,
հատկություններ,
որոնք պետք է դրսևորեն բոլոր նրանք,
ովքեր ուզում են ժառանգել Աստծու Թագավորությունը։