JW subtitle extractor

Nduru tënë ti mbeti
na Philémon.
Paul asû lani lettre so
kozo ni kue na Philémon,
so ayeke kamarade ti lo
nga mba ti lo Chrétien,
so alango na gbata ti
Colosses na Asie Mineure.
Lettre so,
so a sû na Rome na ngu 60
wala ngu 61 tongaso,
asara tënë ti Onésime,
mbeni ngbâa ti
Philémon so akpe.
Onésime ague atingbi
lani na Paul na Rome,
na kete na pekoni
lo ga Chrétien.
Mbeti na Philémon
ayeke gï na aversê 25.
Paul akomanse lettre ti lo
na barango Philémon
nga na congrégation so
ayeke sara bungbi na da ti lo,
so Apphia na Archippe
ayeke na yâ ni.
Paul atene na
Philémon so Onésime,
so kozo a bâ lo
tongana senge ngbâa,
ayeke fadeso mbeni
kpengba Chrétien,
ye so asara si
Paul aye ti tene
Onésime angbâ
teti kete ngoi na Rome.
Me Paul asara ye pëpe
ahon ndö ti droit ti lo
na lege so lo ye gï ti tene
Onésime angbâ na terê ti lo
sân ti hunda wa ti lo.
Tongaso,
Paul atokua Onésime
ti kiri na ndo ti Philémon,
so alango ayo kilomètre
1 400 na Rome.
Paul ahunda na Philémon,
na lege ti ndoye ti aChrétien
nga na songo so
ayeke na popo ti ala,
ti yamba Onésime,
pëpe tongana ngbâa so akpe,
me tongana ita
so lo ndoye lo.
Paul wani la asû
même lettre so kue,
a yeke ye so lo yeke
sara ka la ape.
Mo hinga?
Mbeti na Philémon
ayeke gï oko lettre so
yingo apusu Paul ti
tokua ni kozo ni kue
na mbeni zo oko na
ndö ti mbeni tënë so
abâ gï zo ni wani.
Na yâ ni,
Paul ahunda na Philémon
ti kiri ti bâ Onésime
tongana mbeni ngbâa pëpe
me fadeso tongana mbeni ita.
Paul afa so lo hinga
na bê ti lo kue so
Philémon ayeke sara ande
ye ahon ti so a hunda na lo.
Na ngoi so mo yeke diko
mbeti na Philémon,
bâ tongana nyen la
e lingbi ti sara
confiance na aita ti e,
tongana nyen la Paul
asara terê ti lo kete
lo sara ye ahon
ndö ti droit ti lo ape,
nga lo fa nene ti sarango ye
na nzoni bê nga
ti bâ mawa ti azo;
asarango ye so
azo kue so aye ti lï
na yâ ti Royaume
ti Nzapa adoit ti duti na ni.

Nduru tënë ti mbeti na Philémon