JW subtitle extractor

Le faatomuaga o le tusi o Filemoni.
Na tusia e Paulo lenei tusi i lana uō o Filemoni,
o lē na nofo i le aai o Kolose i Asia Itiiti.
Na ia tusia i Roma i le pe ā o le 60 i le 61 T.A.,
ma na ta‘ua ai Onesemo le pologa na sola ese a Filemoni.
Na aufaatasi atu Onesemo iā Paulo i Roma
ma avea mulimuli ane ma Kerisiano.
E 25 fuaiupu o le tusi o Filemoni.
Na amata le tusi a Paulo i le faamalō iā Filemoni ma le faapotopotoga na i lona fale,
e aofia ai Afia ma Arekipa.
Na faamatala e Paulo o Onesemo,
lea na avea o se pologa lē aogā,
ua avea nei o se uso faaleagaga,
ma na mana‘o e nofo Onesemo i Roma mo sina taimi.
Ae e le‘i mana‘o Paulo e taofia Onesemo e aunoa ma le faatagaga a lona matai.
O lea na toe auina atu ai o ia iā Filemoni,
o lē na nofo i le silia ma le 1,400 kilomita le mamao.
E faavae i le alofa faa-Kerisiano ma faauōga māfana,
na talosaga atu ai Paulo iā Filemoni ia talia Onesemo o se uso pele
ae lē o se pologa na sola ese.
Na tusia e Paulo lenei tusi i lona lava lima,
e lē o se mea na masani ai.
E te silafia?
E na o le pau lea o le tusi a Paulo na tusia mo se tagata e to‘atasi e faatatau i se mataupu patino.
E mafai ona faapea atu o lenei tusi,
o le toe auina atu o Onesemo,
o se pologa ua avea nei ma uso.
Na faailoa mai e Paulo lona mautinoa o le a faia e Filemoni mea e sili atu,
nai lo o mea na ia fai atu ai.
A o e faitau i le tusi o Filemoni,
mātau pe faapefea ona faaalia lo tatou talitonuina o tatou uso,
le auala na faaalia ai e Paulo le lotomaulalo e ala i le lē sopo tapulaa o lana pule,
ma le auala na ia faaalia ai le agalelei ma le faamagalo,
o uiga e ao ona faaalia e i latou e mananaʻo e fai mo latou tofi le Malo o le Atua.

Faatomuaga o le Tusi o Filemoni