JW subtitle extractor

Omuaraa parau o te buka Philemona.
Ua papai Paulo ia Philemona to ’na taeae here e hoa ohipa,
e ora ra i Kolosa i Asia iti.
Ua papai atu oia i te area tau 60 aore ra 61 i Roma.
No nia ïa tera rata ia Onesimo te tîtî tei horo ê a Philemona.
Ua matau Onesimo ia Paulo i Roma e aita i maoro riro atoa ’tura oia ei Kerisetiano.
E 25 noa irava to te buka Philemona.
Ua faatae na mua Paulo i te tapao aroha ia Philemona e te amuiraa
e putuputu ra i to ’na fare,
oia atoa ia Apephia e Arehipo.
Ua faaite Paulo ia Philemona e tîtî faufaa ore Onesimo no ’na na mua ’‘e,
teie nei râ ua riro mai oia ei taeae herehia e ana
a hinaaro ai Paulo e faaho‘i atu ia Onesimo i Roma.
Aita râ Paulo i faaohipa hape i to ’na tiaraa
a ani roa ’tu ai oia ia Philemona i ta ’na parau faatia
ia faaho‘ihia ’tu Onesimo i Roma,
hau atu 1 400 kilometera te atearaa o to ’na faaearaa.
Ei mana‘o turai niuhia nia i te here e te auhoaraa piri,
ua ani Paulo ia Philemona ia farii ia Onesimo,
eiaha faahou râ ei tîtî tei horo ê
ei taeae here râ.
Na Paulo iho i papai te taatoaraa o teie rata.
Ua ite anei oe ?
Tera ana‘e te rata ta Paulo i papai no te hoê noa taata e no nia i te tahi mea taa maitai,
ua taparu oia ia Philemona ia taui i to ’na mana‘o no nia ia Onesimo,
ei tîtî na mua ’‘e, tei riro râ ei taeae i muri mai.
Ua tiaturi Paulo e rave iho â Philemona mai ta ’na i ani atu.
A taio ai i te buka Philemona,
a tapao na e nafea ia faaite i te tiaturi i te mau taeae,
nafea Paulo i faaite ai te haehaa ma te ore e faaohipa hape i to ’na tiaraa
e nafea oia i haafaufaa ’i i te farii maitai e te faaoreraa i te hapa,
e mau huru maitatai titauhia i te mau tavini a te Atua.