JW subtitle extractor

Yi naa bed’eabʉchuta Hebreos ʉ̃rʉ.
Pablobara bʉsi naʉ̃ kartara poaga 61 k’awa,
iyi deda jida erpanana tẽã Romane.
Naʉ̃ kartabara jarabʉ iyara bʉsita
Kristianora Judeadebemara.
Ʉ̃kʉrʉta kikibada Kristianone.
Mamina ãyara wũãwũãba leche doi kĩrãk’a,
ãyara bia ũrĩ ẽ basi Daizeze Bed’eaba jarabʉra,
mawũẽra ãyara wĩkade k’awuaibarabasi,
Daizeze ʉ̃rʉ ĩjãbʉa apanʉrãba
ãyira kãgade ẽ baera.
Ẽbẽrarã kayiruarabara jarapanasi
ãyira k’ãrẽ ũdubira neẽ basita.
Judiorabara erpanasi templo zromata,
saserdoteta, “sacrificiota” diapanasi,
erpanasi Moises leita,
adewara Abraneba zesita.
Pablobara bʉsi naʉ̃ kartara mebẽrã
zarea jidamarẽã ãya ĩjãpanʉne
ʉ̃trera erpanʉ baera nebiata.
Ãya maʉ̃ mawũã erpanʉra audre yibiata
Judioraba nama egorode erpanʉira.
Pablo kartabara k’arebasi mebẽrã
wuabida Moises leiba jarabʉta opanʉta.
Hebreos kartabara erbʉ 13 kapitulos.
Hebreos kapitulo 1-3 bayeda,
jarabʉ Jesura wuabemaraira zarea barachuta,
angeleraira ʉ̃tʉchuta
akʉza Moise audrechuta.
Kapitulo 4-10 bayeda,
jarabʉ Jesura sumo saserdote ʉ̃trebemata,
audrechuta sumo saserdote Judioraira
ãyara kayiruata opanʉ baera templode panʉmina.
Mamina Jesura nekayirua oka.
Sumo saserdoterabara
ewari za “sacrificiota” diaibarabasi,
iyi pʉwʉrʉba nemitia obʉrʉdera.
Mamina maʉ̃ra Daizezeitara biode biga ẽ basi.
Kristora ʉ̃tre yi ũdubisi yi zeze’a,
ũdubita iyi kakua neneẽãbʉta
diaita wuabemarabari.
Mawũã odadeba diasi “pacto” yiwidi oita
akʉza audre yibiata Moiseba erbadaira.
¿K’awuabasika?
Hebreos 9:9de jarabʉ tienda ʉ̃rʉ.
Pablobara maʉ̃bara jarakĩrãkʉasi
tabernakulo Moisesba onʉmʉnata.
ãya mama nek’ãrẽ obadabara
akʉza “sacrificio” diapananabara,
jõma aĩbʉe ẽ basi ãya kayirua obadara.
Kõbebʉrʉ Pablobara akʉza bed’eabʉ tienda ʉ̃rʉ.
Iyara jarabʉ mara ẽbẽra juwaba parãna ẽãta.
Naʉ̃bara jarakĩrãkʉ Jesus beidadeba
badu ẽbẽraba Jeowara orraseabʉta,
adewara Jeowa neũduk’awua baseabʉ
akʉza ewari jõmaʉ̃nẽ baseabʉ.
Kapitulo 10dera,
akʉpanʉ Kristo k’aidupanʉrãra
ãba yi jʉredaibarata ãyi so zarea diadaita.
Daizeze ewarira k’aitabai baera.
Kapitulo 11dera, bed’eabʉ daya ĩjãi ʉ̃rʉ.
Jesu zei nãã ẽbẽrarãba
ãya ĩjãbadadeba mejãcha nebiata osidata.
Kapitulo 12dera jarabʉ,
erpanʉ mejãcha wãrĩnu jaradiabarirata.
Apostolbara jarabʉ maʉ̃ne ʉ̃tabʉtachuta,
Jesukristota.
Maʉ̃ba jaradiabʉta sãwũã ũdubibarata ĩjãbʉta.
Yi ĩjãbʉa apanʉrãbara
k’ẽrẽpabʉta ũdubibara.
Maʉ̃are jõĩta, Pablobara kapitulo 13dera jarabʉ,
yi mebẽrã kĩrãk’a yi kãgapanaibarata,
yi juwa jidapanʉrabara
wuawiata ũdubidaibarata,
adewara ũrĩbarata zõrãrã bed’eara.
Hebreos libro akʉbʉrʉde,
akʉza sãwũã jarabʉta Pablobara
audre bigata dayi Kristiano baira,
sãwũã audre bia ĩjã wãsebʉta
daya jʉ̃ãbʉeida naʉ̃ ewari jõĩta
akʉza Jesus dayirã sumo saserdoteba,
adewara Daizeze Nok’o zok’abʉba
jõbita nekayiruara
akʉza dayirã beipanʉra.