JW subtitle extractor

Omuaraa parau o te buka Hebera.
Ua papai Paulo i teie rata i te area tau 61
na mua iti a‘e aore ra i muri iti a‘e to ’na matararaa mai i te fare i tapeahia ’i oia i Roma.
Ua papai Paulo i tera rata i te mau Kerisetiano Hebera e ora ra i Iudea.
No te rahiraa, mea maoro to ratou riroraa mai ei Kerisetiano.
Ua hiaai faahou râ vetahi o ratou i te û eiaha râ i te maa etaeta.
Ua haafifihia to ratou faaroo e te mau tia faaroo ati Iuda e oia atoa te feia e turu ra ia ratou.
No te feia patoi aita ta tera mau Kerisetiano e mea ite-mata-hia
no te tauturu i roto i ta ratou haamoriraa.
E hiero nehenehe mau to te ati Iuda,
e autahu‘araa,
e tusia animara,
te ture a Mose
e te mau aamu mai te tau o Aberahama mai â.
Ua papai Paulo i te mau Kerisetiano Hebera
no te haapuai i to ratou faaroo i te faanahoraa hau ê ta te Atua i haamau i te ra‘i
na roto i te Mesia.
E haapapu te reira mea teitei a‘e te haamoriraa Kerisetiano i te haamoriraa ati Iuda.
Ua tauturu atoa paha te rata a Paulo i te mau Kerisetiano Hebera
o tei onoono i te haapao i te ture a Mose.
E 13 pene to te buka Hebera.
I te pene 1 tae atu i te 3 te faataahia ra te tiaraa teitei o Iesu.
Mea teitei a‘e oia i te mau melahi e ia Mose.
I te pene 4 tae atu i te 10, te itehia ra Iesu ei Tahu‘a Rahi,
mea teitei a‘e oia i te mau tahu‘a rahi ati Iuda tia ore i tavini na i te hiero.
E taata tia roa Iesu, aita ta ’na e hara.
I titauhia na i tera mau tahu‘a rahi
ia pûpû i te tusia animara i te mau mahana atoa no te hara a te nunaa,
ua taotiahia râ te faufaa o te reira.
I te ra‘i, ua pûpû te Mesia i te Atua i to ’na ora tia roa ei hoo hoê roa taime.
Ua haamauhia te faufaa apî maitai a‘e na roto ia Iesu
area te faufaa tahito mea na roto ïa ia Mose.
Ua ite anei oe?
Te parau ra te Hebera pene 9 irava 9: “E taipe te tiahapa.”
Te faahiti ra ïa Paulo i te sekene ta Mose i faatia.
Aita te sekene e te mau tusia animara i faaore roa i te hara.
I roto râ i te tiahapa rahi a‘e tei ore i hamanihia e te rima taata,
e titauhia ia faatupu i te faaroo i te tusia taraehara o Iesu no te faahau e te Atua.
I te pene 10, e titauhia i te mau pǐpǐ a te Mesia ia amui pinepine no te faaitoito te tahi i te tahi
e ia rahi atu â a fatata mai ai te hopea.
I te pene 11, te faahitihia ra e rave rahi hi‘oraa maitai o te mau tane e vahine
tei faaite i to ratou faaroo puai na roto i ta ratou mau parau e ohipa.
I te pene 12, te parauhia ra no tera mau tane e vahine itoito ei “nahoa rahi ite.”
I muri iho, te faahiti ra Paulo i te Ite Rahi roa ’‘e, o Iesu Mesia,
“te Aratai rahi e te Faatia roa o to tatou faaroo.”
E haerea mo‘a noa to te feia e pee ra i te Mesia.
I te pene 13, te faaitoito ra Paulo ia “tamau noa i te here te tahi i te tahi ei taeae,”
“ia tura te faaipoiporaa no te taata atoa”
e ia faaroo i te mau aratai i rotopu ia tatou.
A taio ai i te buka Hebera, a tapao na nafea Paulo i te faaiteraa te tumu
i teitei a‘e te haamoriraa Kerisetiano,
e nafea ia tamau noa i te haapuai i to tatou faaroo a tiai ai i te hopea o te ao a Satani
e nafea te Atua e faaohipa ’i ia Iesu,
te Tahu‘a Rahi i te ra‘i e te Arii o te Faatereraa arii a te Atua,
no te faaore i te hara e te pohe e a muri noa ’tu.