JW subtitle extractor

Fampilira Bokini-Hebreo

Video Other languages Share text Share link Show times

Fampilira bokini-Hebreo.
Paoly ty nanoratsy ani-taratasy io,
tamy tao 61 tany ho any,
taloha na tafara kelikelini-nanafaha azy
baka amy trano nigadràny
ta Roma tany iny.
Natao ho ani-Kristiana Hebreo
nipetraky ta Jodia tany taratasy io.
Maro amy Hebreo
ro fa lasa Kristiana fa ela,
fe mbo nila nianatsy
ty fampianara fototsy amy Baiboly ao
ka sahala ajà mbo mila ronono
fa tsy vetin-kany.
Natahora ho simba ty finoan-drozy
satria nenjehini-mpitariky fivavaha Jiosy
noho ty mpanoha azy rozy.
Mety niezaky nandresy lahatsy
ani-Kristiana reo ty mpanohitsy hoe
tsy mana raha hita maso
andesy manampy ty fivavahany
Kristiana reo.
Kanefa ty Jiosy nana tempoly soasoa,
mpisoro, nanao fanatitsy biby,
nana ty lalànani-Mosesy,
sady taranakini-Abrahama
laha hentea ty tetiraza.
Nanoratsy ho ani-Kristiana Hebreo reo
Paoly,
le nivola an-drozy
mba tena hino ani-fandahara bevata
natao-Ndranahary an-danitsy any iny.
Mana anjara asa bevata
amy fandahara io Kristy.
Anabo mandilatsy ty Israely ara-nofo zany
ty fivavaha Kristiana.
Mety nanampy ty Kristiana Hebreo
mbo nanoriky ty Lalànani-Mosesy koa
taratasy nisoratini-Paoly io.
Misy toko 13 taratasy ho ani-Hebreo io.
Atoroni-toko 1 zisiky 3
ty hevitsy bevata amy Hebreo io.
Hazavaniny ao
fa tena mana pilasy miavaky Jesosy
satria mbo ambaniny
ndre ty anjely ndre Mosesy.
Amy toko 4 zisiky 10,
miresaky ty maha mpisorobe ani-Jesosy
an-danitsy any,
mandilatsy lavitsy
ty mpisorobe Jiosy mpanota
nanompo tamy tempoly tao.
Tsy mitovy amin-drozy Jesosy
satria lavorary noho tsy nisy ota.
Nanao fanatitsy sanandro tamy tempoly tao
mpisorobe Jiosy reo
satria manota ty vahoaky.
Nanao fanatitsy biby rozy,
fe voafetra avao
ty raha vitani-fanatitsy rey.
Nilitsy an-danitsy any Kristy
mba hampiseho amy Ndranahary
ty ainy lavorary
zany hoe ty vilim-panavota indraiky mandeha
tsy mimpolimpoly sasy.
Ty soro nataoni-Jesosy koa
ro fototsini-fifanekea vaovao
sady tena soa mandilatsy
ty fifanekea natao tamy alalani-Mosesy.
Fa nihainao va?
Mivola ty Hebreo 9:9 hoe:
‘Fanohara tranolay io.’
Tranolay naorini-Mosesy tan-tany etoy iny
teany hovolany eo io.
Natoka hivavaha tranolay io,
le nanaova soro biby,
fe tsy afaky nangalaky tanteraky
ty fahotà.
Fe misy tranolay bevata
tsy namboary tana,
mahavy antsika hifandramby zisiky farany
amy Ndranahary.
Tsy ino zay
fa ty fandahara nataoni-Jehovah
mifototsy amy soro nataoni-Jesosy iny.
Amy toko 10 eo tsika mahita
fa tokony hivory tsy tampaky
mba hifampahery
ty mpanoridia ani-Kristy
sirtò amy farany fa mihamarìny toy.
Miresaky mikasiky finoa ty toko 11.
Resahiny ao ty lahilahy
noho ty ampela maro taloha tany
nahavita nampiseho finoa tamy safàny
noho tamy raha nataony.
Resahini-toko 12
fa mahaforo
“vavolombelo maro biby manahaky rahona” io
lahilahy noho ampela
nana fahasakia reo.
Bakeo Paoly niresaky vavolombelo
tena miavaky,
tsy ia zay fa Jesosy Kristy,
azy “Mpitariky Farani-ze Bevata
noho Mpandavorary ty finoantsika iny.”
Tokony halio fandaisam-bata tsika
laha mana finoa manahaky ani-Kristy.
Reto amy zay ty torohevitsini-Paoly farany,
amy toko 13 ao:
“Anovo maharitsy
ty fitiavanareo ty rahalahy”,
‘Anovo misy hajany amin’olo iaby
ty fanambalea’,
le “Oriho noho ekeo
ty safàni-azy mitariky aminareo eo reo.”
Lafa mamaky ty bokini-Hebreo iha,
le henteo ty fomba nampisehoani-Paoly
ty tena mampiavaky
ty fivavaha Kristiana,
ty fomba ahafahantsika
mana finoa matanjaky avao
lafa mandiny
ty farani-tontoloni-Satana toy,
noho ty hoe akory
ty hampiasà-Ndranahary ani-Jesosy
azy mpisorobentsika an-danitsy any
sady Mpanjakani-Fanjakà-Ndranahary iny
mba handravà ty ota
noho ty fahafatesa zisiky farany.