JW subtitle extractor

Nduru tënë ti mbeti ti Jacques.
Aye mingi ayeke dä so afa so
Jacques so asû mbeti
so na gbe ti yingo so
ayeke lani ita ti Jésus
mama oko.
Jacques asû mbeti
ti lo kozo na ngu 62.
Na ngoi ni so lo yeke
na Jérusalem.
Mbeti ni afa so a yeke kota
ye ti sara ye na mabe,
ti gbu ngangu na yâ ti atara,
ti kpe asiokpari so ayeke sara
si zo anzere na lê ti Nzapa ape
nga ti fa mabe ti e
na lege ti akusala ni.
Tongana ti Jésus,
Jacques asara kua na atapande
so ayeke simple me ndani ali;
aye tongana amapo ti ngu-ingo,
afleur na akeke,
zo so abâ
lê ti lo na tatara,
nga na amosoro
so a yeke futi ni.
Mbeti ti Jacques ayeke
na achapitre oku.
Chapitre oko adabe ti e ti
“ngbâ ti hunda” ndara na Nzapa,
ti hunda ni na mabe.
Nga a dabe ti e so,
“zo so ayeke na kite ayeke
tongana mapo ti ngu-ingo
so pupu ahon na ni
na ague na ni kirikiri.”
Chapitre 2 awa azo so asara ye
ti nzoni gi na azo ti mosoro
me pëpe na awayere,
si azia kangbi na popo ti azo
nga ague nde na “ndia ti gbia”
na ndö ti ndoyengo amba ti e.
Mo hinga?
Fani mingi, Jacques akiri na
ndö ti fango tënë na ndö ti hoto.
Na tapande, lo tene so
e lingbi ti wara ngia na ngoi so
a sara ye ti ngangu e;
a lingbi e sara ye
so bê ti Nzapa aye,
me pëpe ti mä
tënë ti lo gï na mê;
nga tongana e ye ti tene
Jéhovah apardonné e,
a lingbi e pardonné amba ti e.
Na chapitre 3,
Jacques amû atapande
nde nde ti fa so
a yeke kota ye ti sara
hange na langue ti e.
Surtout azo so ayeke
fa Tënë ti Nzapa na azo.
Jacques ahaka langue na
aye tongana kamba so
a zia na yanga ti mbarata,
kâî ti bateau,
wâ nga na li ti ngu.
Chapitre 4
afa so asioni sarango ye
ayeke ye ti peko ti aye ti mitele.
Jacques atene nga:
“Zo kue so aye ti ga
kamarade ti dunia so
ayeke sara terê ti
lo wato ti Nzapa.”
Nga, tongana e ke zabolo
nga e ga nduru na Nzapa,
lo yeke ga nduru na e.
Chapitre 5 atene na e so
azo ti mosoro na
azo ti ngangu
so asara ye ti
ngangu na amba ti ala
ayeke kiri tënë ande na Jéhovah.
Jacques afa nga so a yeke
kota ye ti kanga bê ti ku.
Gï tongana ti so mbeni
zo ti fango yaka
ayeke kanga bê ti
lo ti ku ngu-nzapa,
a lingbi e kanga bê ti e e ku
ti tene Nzapa asara ye alingbi
na azendo ti lo na lege ti Christ.
Ti ku na ngoi ni so,
a lingbi azo so abuba
songo ti ala na Nzapa
agi mungo maboko ti a-ancien.
Na ndoye,
a-ancien ayeke sara kua na Bible
nga asambela so ala sara na mabe
ayeke mû maboko na zo
ti kobela ni ti wara sava.
Na ngoi so mo yeke
diko mbeti ti Jacques,
bâ ndani so a lingbi e tene pëpe
so Nzapa la azia e na yâ ti tara,
ndani so a lingbi e sara
hange na langue ti e
nga ndani so a lingbi e kanga
bê e ku Royaume ti Nzapa.