JW subtitle extractor

Cyflwyniad i Iago.
Mae ’na dystiolaeth gadarn sy’n dangos mai Iago, hanner brawd Iesu,
a ysgrifennodd y llythyr ysbrydoledig hwn.
Ysgrifennodd Iago’r llythyr cyn 62 OG.
Roedd yn byw yn Jerwsalem bryd hynny.
Mae’r llythyr yn pwysleisio’r angen i ddangos ffydd a dyfalbarhad yn ystod treialon,
i osgoi pechodau sy’n arwain at golli ffafr Duw,
ac i brofi ein ffydd drwy ein gweithredoedd.
Fel Iesu, defnyddiodd Iago lawer o eglurebau syml a phwerus yn defnyddio pethau cyffredin—
tonnau’r môr,
blodau a choed,
dyn yn edrych arno’i hun mewn drych,
a chyfoeth materol sy’n pydru.
Mae gan lythyr Iago bum pennod.
Mae pennod 1 yn ein hatgoffa i barhau i “ofyn i Dduw” am ddoethineb,
a hynny mewn ffydd.
A bod “y rhai sy’n amau yn debyg i donnau’r môr
yn cael eu taflu a’u chwipio i bobman gan y gwynt.”
Mae pennod 2 yn cynnwys cyngor cryf
ar gyfer y rhai sy’n trin pobl gyfoethog yn well na phobl dlawd,
ac felly’n creu dosbarthiadau ac yn torri’r “gyfraith frenhinol” i garu’n cymydog.
Oeddet ti’n gwybod?
Mae Iago yn cyfeirio’n aml at y Bregeth ar y Mynydd.
Er enghraifft, mae’n dweud ein bod ni’n gallu bod yn llawen wrth ddioddef erledigaeth;
bod rhaid inni wneud ewyllys Duw, yn hytrach na’i glywed yn unig;
ac os ydyn ni eisiau i Dduw faddau i ni, mae’n rhaid i ninnau faddau i eraill.
Ym mhennod 3, mae Iago yn cymharu gwahanol bethau
er mwyn egluro’r angen inni reoli ein tafod.
Mae hyn yn wir yn enwedig i athrawon Gair Duw.
Mae Iago yn cymharu’r tafod
â phethau fel ffrwyn ar geffyl,
llyw ar long,
tân,
a ffynnon ddŵr.
Mae pennod 4 yn esbonio
bod ymddygiad drwg yn tarddu o chwantau cnawdol.
Mae Iago hefyd yn dweud:
“Mae unrhyw un sy’n dewis bod yn gyfaill i’r byd yn gwneud ei hun yn elyn i Dduw.”
Ar y llaw arall,
pan ydyn ni’n gwrthod y Diafol ac yn nesáu at Dduw,
bydd yntau’n nesáu aton ninnau.
Mae pennod 5 yn dweud wrthon ni
y bydd y rhai cyfoethog a phwerus sy’n cam-drin eraill
yn gorfod ateb i Jehofa.
Hefyd, mae Iago yn pwysleisio pwysigrwydd amynedd.
Fel y mae ffermwr yn aros yn amyneddgar am y glaw,
mae’n rhaid i ninnau aros yn amyneddgar
i Dduw gyflawni ei addewidion sy’n gysylltiedig â Christ.
Yn y cyfamser,
dylai unrhyw un sy’n sâl yn ysbrydol
geisio help gan henuriaid y gynulleidfa.
Mae eu ffordd gariadus o ddefnyddio Gair Duw,
a gweddïo mewn ffydd, yn gallu helpu rhywun sâl i wella.
Wrth iti ddarllen llythyr Iago,
sylwa ar sut dylen ni beidio â rhoi bai ar Jehofa am ein treialon;
ar sut dylen ni ymdrechu’n fawr i reoli ein tafod;
ac ar sut dylen ni ddisgwyl yn amyneddgar am Deyrnas Dduw.