JW subtitle extractor

Yi nãã bed’eabʉchuta 1 de Pedro ʉ̃rʉ
Apostol Pedrobara jarabʉ
iya kartara ũme bʉdara iyi trʉ̃ne bʉsita
nããrabemata akʉza tẽãjʉnea bʉdata.
Nããrabema kartara bʉsi Babiloniane
poaga 62 akʉza 64de.
Pedrobara zok’asi Silbanota
iyira iyabaʉta Silasbasi,
baribʉrʉ Silbanora iyabaʉta Silas
Pablo kopayabadabasi
poaga nããra berabariside.
Pedrobara bʉsi iyi kartara
kristianora ʉ̃ta wãira Pontodebemara,
Galasia,
Kapadosia, Asia
akʉza Bitinia.
Mamabemara kristianorãra
bed’ea zromane berabarinʉmasi.
1 de Pedrobara erbʉ 5 kapitulos,
kapitulo 1nera
Pedrobara jarabʉ ãyira Daizezeba jʉrʉsita
ʉ̃ta wãita
Jesukristota piradrʉsi baera.
Ãyita k’ẽrẽpapanasibʉrʉ
ãyira ʉ̃ta wãseabasi bajainʉ
maʉ̃ k’area ãyi krĩchara bi’ia erbaibarabasi
Jeowaita trajaita soiduba
adewara iduaribita krĩcha kayiruara.
Kapitulo 2dera
apostolbara jarabʉ kristianora ʉ̃ta wãirãra
pʉwʉrʉ jaigʉa ẽ bʉta,
adewara saserdotera b’aita ʉ̃tʉba zok’aita
ãyara nebia opanʉta wuabemarabari.
Kapitulo 3de
dayirãba akʉpanʉ
yuwuẽrãbara yi kimara wawiata ũdubibarata
Saraba obada kĩrãk’a yi kima Abran
kõbebʉrʉ yumakẽrãbara bia akʉibarata yi kimara.
¿K’awuabasika?
Iya nããra karta bʉside
Pedrobara jarabʉ seis libros Daizeze Bed’eadebemata
Génesis, Éxodo, Levitico
Salmos, Proverbios akʉza Isaías
Daizeze Bed’ea ʉ̃rʉ jarabʉrʉde
Pedrobara Jesude kĩrãk’a osi
akʉza yiza biata diasi dayirã.
Kapitulo 4de
Pedrobara jarabʉ dayirãra Daizezeba
jarabʉrʉta oibarata Kristoba oda kĩrãk’a,
bed’ea zromane berabaribʉrʉmina.
Adewara jarasi
bi’ia akʉidua mara sãwũã yiwid’ibʉta.
Kapitulo 5de
Pedrobara jarabʉ zõrãrã
Daizeze obejarãra soiduba akʉmarẽã
adewara jarabʉ ãyi bed’ea zroma erbʉra
Daizeze’a jaramarẽã,
Daizezebara ãyira krĩchabʉ baera.
1 de Pedro akʉbʉrʉde
akʉra sãwũã dayirã krĩchara bia erbaibarata.
Akʉza sãwũã akʉibarata dayi kimara.
Adewara bed’ea zromane berabaribʉrʉmina
jʉ̃ãpanaibarata Daizeze Nok’o zeita.

Yi naa bed’eabʉchuta 1 Pedro ʉ̃rʉ