JW subtitle extractor

Nduru tënë ti Kozo mbeti ti Pierre.
Bazengele Pierre wani afa so
lo la lo sû Kozo mbeti ti Pierre
nga na Use ni na
gbe ti yingo vulu.
Pierre asû kozo mbeti
ti lo na Babylone,
na ngu 62 ti si
na 64 tongaso.
Pierre asara kua na Sylvain,
so a iri nga lo Silas,
tongana secrétaire ti lo.
Âmanke Sylvain ni
ayeke lani Silas so
kozo amû peko ti
bazengele Paul so.
Pierre asara kozo
mbeti ti lo na aChrétien
so a soro ala ti gue na yayu
so ayeke na sese ti Pont,
ti Galatie, ti Cappadoce,
na yâ ti kodro-komanda
ti Asie, na Bithynie.
A-Chrétien so ayeke na
akodro so awara atara mingi.
Kozo mbeti ti Pierre
ayeke na achapitre oku.
Na chapitre oko,
Pierre adabe ti aita ti lo so
a soro ala ti gue na yayu
so a kiri ‘a dü ala fini ti duti
na beku so ayeke na fini’
na lege ti zingongo ti
Jésus Christ na kuâ.
Tongana ala ngbâ ti duti be-ta-zo,
ala yeke wara ande héritage
so pendere ni alingbi ti hon pëpe
so a bata ni na ala na yayu.
Tongaso, ala bezoin ti leke terê ti ala
ti sara kua ngangu ndali ti Jéhovah
nga ti sara hange
na anzara ti mitele.
Na chapitre 2,
Pierre airi aChrétien so
a soro ala ti gue na yayu
“mbeni mara so ayeke nzoni-kue”
nga “mbeni bungbi ti aprêtre
so ayeke sara kua tongana agbia”
so ayeke mû asandaga ti yingo
so andu nga mungo ye na azo.
Na chapitre 3,
a tene so a lingbi awali awoko
terê na gbe ti akoli ti ala
na lege ti ndoye
gï tongana ti so Sara awoko
terê ti lo lani na gbe ti Abraham.
Na mbage, a lingbi
akoli ane awali ti ala.
Mo hinga?
Na yâ ti kozo mbeti ti Pierre,
lo kiri na ndö ti aversê
so ayeke na yâ ti abuku
ti Mbeti ti Nzapa omene tongaso:
Genèse,
Exode,
Lévitique,
Psaume,
aProverbe, nga na Ésaïe.
So Pierre akiri na
ndö ti Mbeti ti Nzapa,
lo sara ye tongana Jésus
nga lo zia na e nzoni tapande.
Na chapitre 4,
Pierre agboto lê mingi
na ndö ti ndani so
a yeke kota ye ti duti na fini
alingbi na ye so bê ti Nzapa
aye tongana ti Jésus,
même tongana a hunda ti
bâ pasi na yâ ti angangu tara.
Lo tene nga so a lingbi
‘lê ti e akpengba ti sambela.’
Na chapitre 5,
Pierre awa amba ti lo a-ancien
ti bi bê mingi na ataba
ti Nzapa nga ti bata ala.
Na pekoni,
lo wa azo kue ti bi agingo bê
ti ala kue na ndö ti Nzapa
ndali ti so lo yeke bi
bê ti lo na ndö ti ala.
Na ngoi so mo yeke diko
Kozo mbeti ti Pierre,
bâ tongana nyen la e lingbi ti leke
terê ti e ndali ti kua ti Jéhovah,
tongana nyen la a lingbi akoli
na awali asara ye na mbage ti mba,
nga tongana nyen a lingbi e duti
nduru ti gbu ngangu na yâ ti atara
na ngoi so e yeke ku
gango ti Royaume ti Nzapa.