JW subtitle extractor

Kèk bagay nou ka aprann sou liv Jozye a.
Liv la pote non moun ki te ekri l la,
Jozye, pitit gason Noun nan,
ki te vin chèf pèp Izrayèl la apre Moyiz.
Liv la kouvri yon peryòd
ki dire plis pase 20 an.
Apati ane 1473
anvan epòk nou an,
rive ozanviwon ane 1450
anvan epòk nou an,
lè yo te fin ekri liv la.
Nou ka divize liv Jozye a an 4 pati:
Lè pèp la t ap antre Kanaran,
fason yo te pran peyi a,
repatisyon tèritwa chak tribi yo
ak dènye konsèy Jozye te bay yo.
Liv la gen yon seri bèl leson
sou enpòtans kouraj,
lafwa ak obeyisans genyen.
Sitou lè pèp Bondye a
ap fè fas ak ènmi ki pisan.
Nan chapit 1 an ak chapit 2 a,
Jewova di Jozye pou l mete
kouraj ak kran sou li.
Izrayelit yo t ap prepare yo
pou yo travèse rivyè Jouden an,
e Jozye voye 2 espyon ale Jeriko.
Espyon yo t ale lakay yon
pwostitye ki rele Rahab.
Poutèt lafwa li nan Jewova,
li te kache espyon yo.
Sa ki te fè l dezobeyi lòd wa a bay.
Soti nan chapit 3 rive nan chapit 6,
grasa yon mirak, Izrayelit yo
te travèse rivyè Jouden an sou tè sèk,
malgre rivyè a t ap desann.
Izrayelit yo te selebre fèt Pak la
e yo te kòmanse manje
sa tè a te pwodui.
Apre sa, Jozye rankontre yon mesye
ki gen yon epe nan men l.
Mesye a se te “Chèf lame Jewova a”.
Pa mwayen mesye a,
Jewova di Jozye fason pou l pran Jeriko.
Chapit 6 rive nan chapit 12
pale de fason yo te pran
Peyi Bondye te pwomèt la.
Nan chapit 6 la, Jeriko tonbe.
Se sèlman Rahab ak moun
lakay papa l ki te sove.
Nan chapit 7 la, yo te devwale
dezobeyisans Akan
ki te pran nan bagay Jeriko yo.
Yo te touye l ansanm ak fanmi l
ki sanble te ede l kache peche l la.
Èske w te konnen?
Rahab ak Akan se yon bon egzanp
ak yon move egzanp lafwa ak obeyisans.
Byenke l te yon moun Kanaran,
Rahab te sove lavi l
paske l te obeyi espyon yo e l te montre
kouraj ak lafwa nan Jewova.
Malgre Akan te fè pati
pèp Bondye a menm,
e l te wè jan Jewova te
kraze miray Jeriko yo,
yo te touye l poutèt dezobeyisans,
mank lafwa ak avidite.
Nan chapit 8 la, yo te pran Ayi,
e li te vin tounen “yon pil dekonm”.
Epi, Jozye li Lwa Bondye a pou pèp la.
Mwatye nan nasyon an
te kanpe anfas mòn Gerizim.
E lòt mwatye a te kanpe anfas mòn Ebal.
Nan chapit 9, moun Gabawon yo twonpe
Jozye pou l fè yon alyans avèk yo.
E li sove lavi yo
Chapit 10 rive nan chapit 12 gen yon lis nan
kèk viktwa Bondye te bay pèp Izrayèl la.
Bondye te menm lage gwo grenn lagrèl sou Amorit yo,
e l te fè solèy l ret kanpe yon fason pou pèp Izrayèl la
te ka “pote laviktwa sou ènmi l yo”.
Soti nan chapit 13 rive nan chapit 22,
yo separe Peyi Bondye te pwomèt la bay tribi Izrayèl yo.
Yo mete Tabènak la nan Silo,
e Izrayelit yo chwazi 6 vil refij
pou moun ki ta touye yon moun
san l pa t gen entansyon fè sa.
Nan chapit 22 a, tribi Ribenn, Gad
ak mwatye tribi Manase a
t al nan eritaj yo nan lès Jouden an.
Chapit 23 ak chapit 24 gen
dènye pawòl Jozye yo.
Li te di pèp la pou yo
gen lakrentif pou Jewova.
Pou yo “sèvi l yon fason
ki san repwòch, e avèk fidelite”.
Apre sa, Jozye ansanm ak
Eleyaza pitit Arawon an mouri.
Epitou, Izrayelit yo te kenbe sèman yo te fè
pou pote zosman Jozèf piti Jakòb la
nan Peyi Bondye te pwomèt la.
Pandan w ap li liv Jozye a,
gade ki jan Jewova beni moun ki fidèl
ak moun ki obeyisan yo,
gade ki jan Li batay pou pèp li a,
epi gade ki jan li kenbe pwomès li yo,
sa ki ranfòse lafwa nou
nan eritaj nou pral jwenn
anba direksyon
Wayòm estrawòdinè l la.