JW subtitle extractor

Yi nãã bed’eabʉchuta 2 de Pedro ʉ̃rʉ.
Apostol Pedrobara jarabʉ
iya kartara ũme bʉdara iyi trʉ̃ne bʉsita
nããrabemata akʉza tẽãjʉ̃nea bʉdata.
Iya naʉ̃ kartara bʉsi poaga 64 k’awa.
Iya nããrabema bʉda tẽã.
Maʉ̃nera baribʉrʉ Babilonianebasi
mawũã ẽ bʉrʉ maʉ̃ k’awa.
2 kartade Pedrodera jarabʉ
yi ʉ̃ta wãirãra jʉra k’awuapanamarẽã,
adewara nejaradiabarira zeri ẽãra neba
akʉza kĩrãkita ũrĩnamarẽã Daizezeba jaradata.
2 de Pedrobara erbʉ 3 kapitulo.
Kapitulo 1nera bed’eabʉ Kristo awuara totodata
maʉ̃neba Pedroba, Santiagoba
akʉza Juanba ũdusida Kristo
sãwũã b’aita iyi Nok’o babʉrʉde.
Jesu awuara totoside
ũdubisi Daizezeba jaradata.
Mawũẽra Kristo k’aidupanʉrabara kĩrãkita
akʉibarabasi ũna kĩrãk’a parĩgʉanʉmʉmae.
Kapitulo 2dera.
Pedrobara jarabʉ ʉ̃tʉ zeibasita
nejaradiabarira zeri ẽãrata,
maʉ̃raba zewida kayiruata jaraibasita
Daizeze Bed’ea ʉ̃rʉ.
Maʉ̃ra zewa nebʉrʉ omiarãra
ʉ̃tʉ zeibasi siglo primerode
ãyira Daizezeba makenaibasi
ẽbẽrarã Sodoma akʉza Gomorrade
berabaridade kĩrãk’a.
¿K’awuabasika?
Pedroba 2 karta bʉside
k’awuabasi iyira beibodobasita,
mamina maʉ̃ ʉ̃rʉ aukara krĩcha k’aide
iyara owãsi Jesuba jaradata
jʉredua mʉ̃ pẽwãbeta.
Kapitulo 3de jarabʉ
k’ãrẽta berabaribasita Jesu Nok’o babʉrʉdera
Pedroba jarasi maʉ̃ ewaridera kriña ẽbẽrarãbara
ĩjãna ẽ baibasita Jeowaba
makenaside ẽbẽrarã Noe ewaridera.
Maʉ̃are Pedrobara jarabʉ Daizezeba
nebia weya adata.
Bajã yiwidita
akʉza drʉa yiwidita,
adewara mamara nek’ãrẽ aripe ob’aita.
Maʉ̃ena
Daizeze pʉwʉrʉbara
oibara Daizeze Bed’eaba jarabʉta,
adewara wawia ũdubidaibara Daizezeta.
2 de Pedro akʉbʉrʉde
akʉra sãwũã Jesu awuara totosideba
k’arebabʉta audre ĩjãita,
ʉ̃ra zei Daizeze Bed’eaba jarabʉta
adewara jʉra k’awuabaibarata
nejaradiabarira zeri ẽãra neba,
adewara jʉ̃ãibarata bajã yiwidita
maʉ̃ba jarakĩrãkʉ Daizeze Nok’ota.
Iya zok’aita ẽbẽrarã Daizeze kãgapanʉta naʉ̃ drʉade.

Yi naa bed’eabʉchuta 2 Pedro ʉ̃rʉ