JW subtitle extractor

Nduru tënë ti Use mbeti ti Pierre.
Bazengele Pierre wani afa so
lo la lo sû Kozo mbeti ti Pierre
nga na Use ni na gbe ti yingo vulu.
Pierre asû use mbeti ti lo
na ngu 64 tongaso,
kete na peko ti so lo sû kozo ni.
Na ngoi ni so, lo doit ti
ngbâ lakue na Babylone,
wala na mbeni ndo nduru na ni.
Use mbeti ti Pierre awa aChrétien so a
soro ala ti gue na yayu ti duti be-ta-zo
si ala wara futa ti ala na yayu,
ti sara hange
na awafango ye ti wataka
nga ti dengi mê
na atënë ti prophétie.
Use mbeti ti Pierre
ayeke na achapitre ota.
Chapitre oko asara tënë na ndö ti
changengo terê ti Jésus;
ye so amû lege na Pierre,
Jacques na Jean
ti bâ kete yanga ti gloire ti Christ
tongana lo ga ande
Gbia ti Royaume ti Nzapa.
Changengo ti terê ti lo ni asara si
atënë ti prophétie aga tâ tënë biani;
ndani la a lingbi adisciple
ti Christ adengi mê na ni
“mo bâ mo tene mbeni
lampe so ayeke za lumière
na mbeni ndo so ayeke bingo.”
Na chapitre 2,
Pierre agboto mê ti e so awafango ye
ti wataka ayeke bâ gigi
na ala yeke ga na asecte
so ayeke ga na kuâ.
Nzapa ayeke fâ ngbanga na
ndö ti azo ti handango zo so,
so akomanse ti bâ gigi
na ngoi ti akozo Chrétien,
tongana ti so lo sara lani na
azo ti Sodome na Gomorrhe.
Mo hinga? Na ngoi so
Pierre asû use mbeti ti lo,
lo hinga so lo ga nduru ti kui awe.
Me ahon ti tene lo gi bê ahon
ndö ni na ndö ti lo wani,
lo ngbâ lakue ti sara ye alingbi na Commandement
so Jésus amû na lo na ndoye atene:
“Mû kobe na akete taba ti mbi.”
Chapitre 3 asara tënë na ndö
ti ye so ayeke si ande tongana
Christ aga Gbia
ti Royaume ti Nzapa.
Na ndö ti ngoi ni so, Pierre atene
kozo awe so azo ti hengo ndo
na ‘mbana ti bê ti ala wani,
ayeke girisa’ so Jéhovah
afuti lani mbeni sioni dunia
kozo awe na ngoi ti Noé.
Na pekoni, Pierre asara tënë ti
zendo ti Nzapa na ndö ti “afini yayu
na fini sese” na lege ti fä so mbilimbili
ayeke duti ande na yâ ni.
Ti fadeso,
a lingbi azo ti Nzapa asara ye alingbi
na atënë ti Nzapa so a sû na mbeti
nga ala sara “akusala so afa so
ala voro Nzapa na bê ti ala kue”.
Na ngoi so mo yeke diko
Use mbeti ti Pierre,
bâ tongana nyen la changengo
terê ti Christ alingbi ti
kpengba mabe ti e na
ndö ti aprophétie ti Bible,
tongana nyen la a lingbi e sara
hange na awafango ye ti wataka
nga tongana nyen la a lingbi e
kanga bê e ku, “afini yayu”,
gouvernement ti
Royaume ti Nzapa,
so ayeke komande
ande na ndö ti fini sese,
bungbi ti azo so
akpe mbeto ti Nzapa.