JW subtitle extractor

Yi naa bed’eabʉchuta 1 de Juan ʉ̃rʉ.
Apostol Juanba karta ũbea bʉdadebemata,
yi nãã bʉdara audre drazochuasi
baribʉrʉ Juanra Éfesode basi baibara
mawũã ẽ bʉrʉ maʉ̃ k’awa,
iyi karta bʉside, poaga 98de.
Iyabaʉ poagade bʉsi Ebangeliosida.
Juanba karta bʉdara
Kristiano abaʉita oẽ basi
awuarabʉrʉ jõma kristianoraitabasi.
Maʉ̃neba kãgabasi iyara
kristianoraba audre ĩjãnamarẽã
Daizezeba jaradiadata Kristo ʉ̃rʉ.
Naʉ̃ kartadera, bed’ea ũbea akʉdayi:
ẽbẽrarã Jesu ʉ̃rʉ sewanebʉra jarabʉta,
kayiruata akʉza kãga ʉ̃rʉ.
1 Juanbara sinko kapitulo erbʉ.
Kapitulo 1nera, Juanbara jarabʉ Daizezera ʉ̃nata
maʉ̃ k’ãrẽa kristianorasida
abarik’a ʉ̃nabaibarata.
Maʉ̃ ũduira dayirãbara nãã k’awuaibara
dayirãra kayirua omiata
maʉ̃ k’ãrẽa nesidapanasi
Jesusta dayirãbari beimarẽã
Daizezeba dayirã kayirua kĩrãduamarẽã.
Kapitulo 2de jarabʉ
jʉra k’awuabamarẽã ẽbẽrarã Jesu ĩjã ẽãta
dayirã ẽdrʉbibari k’area.
Ãya jarapanʉ Jesura Kristo ẽãta
akʉza Daizeze warrara ze ẽ basita ẽbẽra kĩrãk’a.
¿K’awuabasika?
Poaga 30 b’ai nãã
jarasida nejaradiabari zeri ẽãta zeita
maʉ̃raba aña jaradiaita Daizeze Bed’ea ʉ̃rʉ
akʉza Jesu k’aidubemara ãyi k’aidu ededaita.
Maʉ̃ra Juan kartabara ũdubisi
maʉ̃ra berabarinʉmʉta.
Kapitulo 3de, Juanba ũdubibʉ
awuarabʉta Daizeze warrarata
akʉza Ãtomia warrarata.
Daizeze warrarãra ãyirainu yi kãgapanʉ
mamina Ãtomia warrarãra
Kain kĩrãk’a yi mebẽrãra jʉra.
Kapitulo 4de bed’eabʉ kãga ʉ̃rʉ.
Nama Juanba dayirã kĩrãbebibʉ
dayirãba jarabeda ẽãta Daizeze kãgabʉta,
dayirã mebẽra kãga ẽ bʉrʉ.
Juan kapitulo jõbodoare jarabʉ:
«Daizeze kãgabara naʉ̃ta jarakĩrãbʉ:
iya jarabʉra jõma ĩjãnañi».
Apostol Juanbara jarasi
Daizezebara ũrĩbʉta iya jarabʉ kĩrãk’a odara.
1 Juan akʉbʉrʉde akʉra,
jʉra k’awuabaibarata ẽbẽrarã
Jesu ʉ̃rʉ sewanebʉra jarabʉdeba,
kayirua oideba
akʉza kãgaibara dayirã mebẽrãta.

Yi naa bed’eabʉchuta 1 Juan ʉ̃rʉ