JW subtitle extractor

Nduru tënë ti Kozo mbeti ti Jean
Na popo ti alettre ota so Jean asû na
gbe ti yingo vulu,
kozo lettre ni la ayo
ahon atanga ni.
Âmanke lo yeke lani na
Éphèse wala nduru na ni
na ngoi so lo sû alettre
ti lo na ngu 98 tongaso.
Lo sû lani Évangile ti lo
nga gï na yâ ti ngoi ni so.
Jean asû kozo mbeti ti lo
gï na mbeni zo oko ape
me lo sû ni na aChrétien kue.
Nda ti mbeti ni ayeke ti kpengba
mabe ti amba ti lo Chrétien
na yâ ti atâ tënë so Nzapa afa
ndani na congrégation ti aChrétien.
Lo sara tënë na ndö
ti mama-tene ota:
awato-ti-Christ, siokpari
nga na ndoye.
Kozo mbeti ti Jean ayeke
na achapitre oku.
Na chapitre 1,
Jean atene na e so
“Nzapa ayeke lumière”
nga lo tene a lingbi aChrétien
atambela na yâ ti lumière.
Ti tambela na yâ ti lumière
e doit ti yeda so
e yeke awasiokpari
nga e bezoin ti wara pardon
na lege ti sandaga ti Christ
so amû lege ti leke songo
na popo ti e na Nzapa.
Chapitre 2 agboto mê ti e
na ndö ti awato-ti-Christ.
Na yâ ti ambeni ye,
ala tene so Jésus ayeke Christ ape
nga Molenge ti Nzapa aga na
sese na yâ ti terê ti zo pëpe.
Mo hinga?
Ahon angu 30 awe,
a tene kozo so
awafango ye ti wataka
ayeke ga na asecte
so ayeke ga na kuâ
nga ala yeke tara “ti gboto
na adisciple na peko ti ala.”
Ambeti ti Jean afa so a-apostat
akomanse lani ti handa azo awe.
Na chapitre 3,
Jean afa kangbi so ayeke na
popo ti amolenge ti Nzapa
na amolenge ti Zabolo.
Amolenge ti Nzapa andoye
terê na popo ti ala.
Amolenge ti Zabolo ake
aita ti ala tongana ti Caïn.
Na chapitre 4
lo ngbâ ti sara tënë
na ndö ti ndoye.
Ge,
Jean adabe ti e so e lingbi
pëpe ti tene so e ndoye Nzapa
tongana e ndoye pëpe
amba ti e Chrétien.
Na yâ ti ndangba chapitre ni,
lo tene:
“Ndoye ti Nzapa ayeke so:
e bata acommandement ti lo.”
Nga,
Jean adë bê ti e so
Nzapa ayeke mû na e ye kue so
e hunda na lo na yâ ti sambela
tongana aye ni ague oko
na ye so bê ti Lo aye.
Na ngoi so mo yeke diko
Kozo mbeti ti Jean,
bâ tongana nyen la a
lingbi e kpe a-apostat,
tongana nyen la e lingbi ti
sara hange na sarango siokpari
nga tongana nyen la a lingbi
e gi ti ndoye amba ti e so
e na ala e yeke duti na
gbe ti Royaume ti Nzapa.