JW subtitle extractor

Yi naa bed’eabʉchuta 2 Juan ʉ̃rʉ.
Juanba yi karta ũme bʉdara
wuabemara kĩrãk’a, bʉsi poaga 98 k’awa.
Baribʉrʉ iyirabasi Éfesode,
mawũã ẽ bʉrʉ maʉ̃ k’awa
akʉza baribʉrʉ poaga sienbasi baibara iyira.
Juanba bed’eabʉ ẽbẽra wuẽrã ʉ̃rʉ
akʉza yi warrara ʉ̃rʉ.
Ʉ̃kʉrʉba krĩchapanʉ naʉ̃ra
Kongregasion trʉ̃basita,
mawũã ẽ bʉrʉ ẽbẽra wuẽrã trʉ̃ Kiriata.
Juan karta ũmenera,
nããrabema karta ʉ̃rʉ bed’eada kĩrãk’a jarabʉ.
Bari jaradaita,
Juanbara akʉza jarasi Kristianora
dayirãinu yi kãgaibarata.
«Daizeze kãgabara naʉ̃ta jarakĩrãbʉ:
iya jarabʉra jõma ĩjãnañi».
Apostolbara jʉra k’awuabamarẽã jarabʉ
naʉ̃ drʉade zei baera
wãrĩnu jarabʉ kĩrãk’abʉta,
mamina sewidata.
Naʉ̃ra ẽbẽra Jesu ĩjã ẽãta
dayirã ẽdrʉbibaribara
jarapanʉ Kristora ze ẽ basita ẽbẽra kĩrãk’a.
¿K’awuabasika?
2 Juan 10:11de
apostol Juanba jarasi
iyi karta nããbemane jaradata
Kristoba jaradiabʉta jaradia ẽ bʉrʉ,
naʉ̃ta jarasi Juanba:
«Deda baribiraidua akʉza juwa diaraidua».
Naʉ̃ kartaba udubibʉ Juanbara
mejãcha kãgabasita mebẽrã ʉ̃ta wãirara
akʉza kãgabasi nebia zromata ũdumarẽã,
maʉ̃ nebiara Jesuʉ̃me ʉ̃tʉ
Daizeze Nok’ota zok’amarẽã.
2 Juan akʉbʉrʉde,
akʉra sãwũã apostol Juanba
kãga ũdubisita mebẽrã
akʉza kãgabasita
Daizezeba zok’abʉta ũrĩpanamarẽã
adewara kãgada ẽ bʉrʉ
Jesu ʉ̃rʉ sewanebʉra jarapanʉta
Daizeze Nok’o edre b’aita.

Yi naa bed'eabʉchuta 2 Juan ʉ̃rʉ