JW subtitle extractor

Nduru tënë ti Use mbeti ti Jean.
Jean asû use lettre ti lo
na ngu 98 tongaso,
na oko ngoi so lo sû na
ambeni lettre ti lo use.
Na ngoi ni so,
âmanke lo yeke na Éphèse
wala nduru na ni,
nga lo doit ti duti na ngu 100.
Jean akomanse lettre
ti lo na atënë so:
“Mbi, mbakoro-koli,
mbi sû mbeti so na
mama so a soro lo
nga na amolenge ti lo.”
Ambeni zo apensé so
“mama so a soro lo” so
apeut ti duti congrégation ti aChrétien
wala mbeni ita-wali
so a iri lo Kyria,
so na Grec aye ti tene “mama.”
Mingi ti atënë so ayeke na
yâ ti Use mbeti ti Jean
ayeke nduru tënë na ndö ti apensé
so ayeke na yâ ti
kozo mbeti ti lo.
Na tapande,
Jean akiri atene so a yeke
kota ye ti tene adisciple ti Christ
andoye terê na popo ti ala.
Lo tene nga:
“Ndoye ni ayeke so:
e ngbâ ti tambela alingbi na
acommandement ti [Nzapa].”
Na pekoni,
Jean agboto mê ti e so
“gbâ ti azo ti handango azo
abâ gigi na yâ ti dunia so awe.”
Awato-ti-Christ so
atene so Christ aga lani
na yâ ti terê ti zo ape.
Mo hinga?
Na 2 Jean 10, 11,
Jean azia mbeni tënë
na ndö ti wango so lo mû
na yâ ti kozo mbeti ti
lo na ndö ti zo kue so
ake fango ye ti Christ.
Lo tene:
“ala yamba lo na da ti ala pëpe
na ala bara lo nga pëpe.”
Use mbeti ti Jean afa polele so
Jean andoye mingi amba ti
lo so a soro ala ti gue na yayu.
Lo ye ti tene ala
“wara futa ni kue,”
so andu pasa so ala
yeke na ni ti komande
legeoko na Christ na
yâ ti Royaume ti lo.
Na ngoi so mo yeke diko
Use mbeti ti Jean,
bâ tongana nyen la bazengele
so ayeke mbakoro so
afa so lo ndoye amba ti lo,
tongana nyen la
lo ye si ala “ngbâ ti
tambela alingbi na
acommandement ti [Nzapa],”
nga tongana nyen la azo
so adö sese na a-apostat
ayeke wara lege ti ga
ahéritier ti Royaume ti Nzapa.