JW subtitle extractor

Omuaraa parau o te Ioane 2.
Ua papai Ioane i ta ’na e toru rata i te area matahiti 98.
I Ephesia paha to ’na papairaa te reira.
Ua hau atu paha 100 matahiti to ’na i tera taime.
Ei omua i ta ’na rata, na ô Ioane:
“Te matahiapo i te tuahine maitihia e te Atua e i ta ’na mau tamarii.”
Ua mana‘o vetahi, “te tuahine maitihia,” o te hoê paha amuiraa aore ra tuahine o Kyria te i‘oa.
“Vahine” te auraa na roto i te reo Heleni.
No roto mai te rahiraa o tera mau mana‘o i te rata matamua a Ioane.
Ei hi‘oraa,
ua faahiti faahou oia te faufaaraa ia here te mau pǐpǐ te tahi i te tahi.
Na ô faahou oia:
“Teie hoi te here, ia pee noa tatou i ta ’na mau faaueraa.”
Faaara atoa oia: “Mea rahi hoi te taata haavare tei haere atu i roto i teie nei ao.”
Aita tera anetimesia e tiaturi ra e ua haere mai te Mesia ei taata i te fenua.
Ua ite anei oe?
I te Ioane 2 irava 10 e 11,
ua horoa atoa mai Ioane i teie faaueraa no nia i te feia e patoi ra i te haapiiraa a te Mesia:
“Eiaha e farii ia ’na i ǒ outou, eiaha atoa e aroha ’tu ia ’na.”
I roto i teie rata te ite-maitai-hia ra te here o Ioane no te mau taeae faatavaihia.
Hinaaro mau oia ia fana‘o ratou i teie haamaitairaa taa ê
e faatere e te Mesia i roto i te Faatereraa arii.
A taio ai i te Ioane 2,
a tapao na nafea to Ioane faaiteraa to ’na here i te mau taeae,
nafea oia i te faaitoitoraa ia pee noa i ta te Atua mau faaueraa
e nafea ia patoi i te mau apotata a fana‘o atu ai i te mau haamaitairaa a te Faatereraa arii.