JW subtitle extractor

Nduru tënë ti Ota mbeti ti Jean.
Jean asû ota lettre ti lo na Éphèse
wala nduru na ni na ngu 98 tongaso.
Jean asû ota lettre ti lo na Gaïus
so lo ye lo mingi,
so ayeke lani mbeni Romain.
Ota mbeti ti Jean ayeke na aversê 14.
A hinga Gaïus na gbungo ngangu ti lo
na yâ ti tâ tënë
nga na yambango aita so ayeke awande.
Na bazengele Jean agonda lo
ndali ti bibe ti yambango gene
so lo yeke na ni.
Bango ndo ti Diotrèphe ayeke tâ nde na ti Gaïus.
Diotrèphe ane pëpe komandema
so abazengele ayeke na ni
nga lo ye gï kota ndo na popo ti aita.
Diotrèphe ake ti yamba aita so
alondo na mbeni ndo nde.
Lo tara même ti kanga lege
na aita so ayamba azo
nga lo tomba ala na yâ ti congrégation ni.
Me, a sara nzoni tënë ti Démétrius,
mbeni Chrétien so Jean aye lo mingi.
A yeke peut-être Démétrius la
adoit ti gue na ota lettre ti Jean na Gaïus.
Mo hinga?
Na 3 Jean 6, a wa Gaïus ti zia aita so
asara voyage so “na lege
tongana ti so alingbi na lê ti Nzapa.”
So aye ti tene so lo mû na aita ni
aye so ala yeke tâ na bezoin ni
ndali ti voyage ti ala.
A yeke ye so Gaïus asara la.
Na hunzingo ti use mbeti ti Jean nga na ota ni,
lo fa so alettre ni ayeke nduru ndali ti so
lo hinga so lo ga nduru awe
ti bâ aita ti lo nga ti sara tënë na ala lê na lê.
Na ngoi so mo yeke diko Ota mbeti ti Jean,
bâ tongana nyen la a fa so ayeke kota ye
ti tene aChrétien ayamba azo,
tongana nyen la a fa kangbi so ayeke na popo
ti Diotrèphe so asara ye na baba
nga na Gaïus so aita aye lo mingi,
nga tongana nyen la Jean afa so lo ndoye mingi
amba ti lo so ayeke ahéritier ti Royaume.